Ќе се одржи меѓународен семинар „Што е ново на пазарите на електрична енергија во земјите на Југоисточна Европа“

Добивај вести на Viber

Прогнози и очекувања за развојот на македонскиот пазар на електрична енергија, негова интеграција во регионалниот пазар, новите трендови во Југоисточна Европа,  искуствата на земјите од регионот во развојот и интеграцијата на пазарите на електрична енергија, се темите на меѓународниот семинар на кој ќе земат учество претставници на МЕПСО, на Националниот оператор на пазар на електрична енергија МЕМО, ЕВН, РКЕ, претставници на берзите за електрична енергија од Словенија, Бугарија и Грција, претставници на албанскиот електропреносен систем оператор ОСТ, менаџери и претставници на компании за тргување и снабдување со електрична енергија од земјава и од соседството.

Семинарот со работен наслов „Што е ново на пазарите на електрична енергија во земјите на Југоисточна Европа“ ќе го отвори м-р Ева Шуклева, генералната директорка на МЕПСО. Претставници на МЕПСО и на МЕМО  ќе презентираат за состојбите на нашиот пазар на електрична енергија, предизвиците со формирањето на организиран пазар на принцип „тргување ден пред испорака на електрична енергија“ популарно наречената берза, балансната одговорност и пазарот на балансна енергија кој е во зародиш. Свои обраќања ќе имаат претставници на РКЕ за регулативата, на Енергетската заедница од Виена за дерегулацијата и интеграцијата на пазарите од земјите на Западен Балкан. Од аспект на трговија на електрична енергија  своите искуства ќе ги споделат претставници на три берзи од регионот: БСП од Словенија, ИБЕКС од Бугарија и ХеПекс од Грција.

Настанот е во организација на реномирната новинска агенција специјализирана за енергетика „Енергетика.НЕТ“ од Словенија, членка на групацијата „Монтел“ најголемиот европски новински сервис специјализиран за енергетските сектори. Програмата е достапна на следниот линк

https://www.energetika.net/eu/events/announcements/entrading-seminar#tab_programme