ЌЕ СЕ ФОТОГРАФИРА, СКИЦИРА И ЌЕ СЕ РАЗГОВАРА СО ПАТНИЦИТЕ - Обвинителството ќе ги утврдува причините за несреќата со работничките
Објавено во: Македонија 03 Мај, 2022
Дежурен јавен обвинител од Основното јавно обвинителство Прилеп, заедно со полициски увидни екипи, утрово извршиле увид во населбата Точила каде се случи сообраќајна незгода меѓу два автобуса.
Според првичните сознанија, во едниот автобус, освен возачот немало други патници, додека во другиот се превезувале 20-тина работници кои се пожалиле на полесни повреди.
„Дежурниот јавен обвинител издаде наредби за фотографирање и скицирање, како и за прибирање на траги од лице место, по што ќе биде издадена наредба за нивно вештачење. Исто така, издадена е наредба да се извршат разговори со сите патници со цел да се утврдат причините за несреќата“, се вели во соопштението од Обвинителството.