Ќе летуваме поевтино во Грција: Се намалуваат цените на хотелите и рестораните
Објавено во: Македонија 20 Мај, 2020
Грчката Влада најверојатно ќе го намали Данокот на додадена вредност (ДДВ) во угостителските услуги и во хотелското сместување, објавуваат грчките медиуми пред прес конференцијата која е закажана за денеска попладне. Намалувањето на ДДВ значи и поевтинување на овие услуги и на сместувањето во хотели, податок кој е важен за многу граѓани на Македонија кои сепак сакаат летниот одмор да го поминат во соседна Грција. Инаку на прес конференцијата ќе се обрати премиерот Кирјакос Мицотакис, кој ќе ги објасни во детали сите планови за престојната турстичка сезона.
Грција подготви посебен план за развој на туризмот во услови на пандемија со Ковид-19. Во него се содржани сите протоколи и за влез во земјата, факти кои интересираат многу граѓани во земјава. Според наши информации границата со Грција ќе биде отворена веќе од 1 јуни или најдоцна до 15 јуни.
„Катимерини“ вчера објави дека за туристите нема да биде потребен ниту тест.