ЌЕ ИМА ЛИ ВАКЦИНИ ЗА СИТЕ, ИЛИ НЕКОИ ЌЕ БИДАТ ВРАТЕНИ - илјадници Македонци отидоа во Србија
Објавено во: Македонија 18 Јуни, 2021
Огромен број Македонци утрово заминаа во Србија, дел за првична вакцинација, а дел за ревакцинација со вакцината на АстраЗенека, од која првата доза ја примија пред три месеци.
Потоа метежот малку се намалил, но се уште има колони.
Денеска во земјава е слободен ден поради празникот Задушница, па многумина поитаа да го искористат слободниот ден за да се вакцинираат.
За ТВ Телма од здравствениот дом во Врање изјавиле дек имаат планирано одреден број вакцини, колку што можеле да обезбедат.
„Па така, луѓето можат да дојдат, но постои можност и да се вратат, бидејќи имаме ограничен број на слобони вакцини. Нема закажување, нема пријавување, доаѓаат луѓето и кој како доаѓа на ред, тој се вакцинира и тоа е тоа. Но, до онаа бројка до која имаме вакцини, а вакцините се Фајзер и кинеска“, изјавиле од Здравствениот дом Врање за Телма.
Од Здравствениот дом Ниш, пак, рекле дека за време на викендот е планирана ревакцинација, па очекуваат гужва.
„Се очекува околу 6.000 луѓе да поминат низ здравствениот систем на Ниш“, изјавија од тамошниот здравствениот систем. Денеска таму немало ревакцинација, но се врши вакцинација. Велат дека понекогаш таму има голем број луѓе, но некогаш нема метеж. Денеска нема метеж, изјавиле од Здравствениот дом.