Добивај вести на Viber
Поранешниот бугарски премиер кој на следните избори ќе се обиде повторно да победи, Кирил Петков, одговори дали е во врска со поранешната шефица на неговиот кабинет Лена Бориславова, по фамозната снимка на која и го допира задникот.
Поранешниот премиер Кирил Петков првпат одговори на директно прашање дали има врска со Лена Бориславова која беше шеф на неговиот политички кабинет во емисијата „Здраво Бугарија“ на Нова ТВ, но не даде конкретен одговор туку ги обвини политичките противници.
„Она што е видено е дека кога некои политичари не крадат, за ништо не можете да ги фатите, се обидувате да им истурите жолта помија. Под мое достоинство е да им обрнувам внимание. Беше страшно, тој ден толку многу работи кажавме, толку многу важни пораки имавме. И во истиот момент, нешто друго стана вест на денот. И сите видоа дека не е Факт, сите се фокусираа таму, а не всушност што се случува со седумте бродови. Овие мафијаши, на кои ние правиме напори да им ги запреме парите, прават се за да не клеветат“, одговори Кирил Петков на прашањето.
Тој ги советуваше гласачите дека доколку има некаков компромитирачки материјал, некој од политичките противници се обидува да сокрие нешто.
Откако партијата на Слави Трифонов ја напушти кревката владина коалција во Бугарија и во ситуација кога се тресеше премиерското столче на Петков, во бугарските медиуми беше објавено видео на кое наводно се открива љубовна афера меѓу Петков и неговата шефица на кабинет Бориславова.
На снимката две лица кои многу личат на Петков и Бориславова се качуваат по скали на станбена зграда. Жената оди прва и додека ја отклучува вратата од стан, мажот зад неа ја допира по задникот.