Картички за невработени, субвенции за фирмите: Денеска четвртиот пакет антикризни мерки
Објавено во: Економија 27 Септември, 2020 07:54
Платежни картички за пензионери и невработени ќе бидат дел од новите мерки кој денеска ќе биде усвоен и презентиран. Вкупно 350 милиони евра ќе вреди четвртиот пакет економски мерки со кој Владата ќе се обиде да им помогне на фирмите и на граѓаните кои се погодени од кризата. Тој ќе биде усвоен денеска на седница на Влада, а се очекува денеска да биде и презентиран.
Во мерките предвидена е поддршка за фирмите и тоа во форма на грантови ама само за најпогодените сектори, додека за другите ќе има субвенции за плати за последниот квартал. Владата планира да го продолжи грејс периодот на бескаматните кредити од Ковид 1 линијата додека се планираат и некои даночни олеснувања. Ќе има намалување на ДДВ за одредени услуги.
Инаку од тие 350 милиони евра, како што велат од Владата, 264 милиони евра ќе бидат од Буџетот на државата, а околу 85 милиони ќе се позајмат од поволни дополнителни кредитни линии.
Премиерот Зоран Заев вели дека во најкритичните месеци од кризата односно во април, мај и јуни, преку претходните три пакети економски мерки, Владата сакала да ги зачува работните места и да ја одржи ликвидноста на компаниите.
Преку мерката финансиска поддршка од 14.500 денари по вработен, за трите месеци вбризгавме вкупно 79,5 милиони евра за исплата минимална плата. Додека пак вкупно 4,17 милиони евра беа наменети за поддршка на самостојните вршители на дејности. Четвртиот пакет економски мерки, којшто денеска ќе го усвои Владата, е континуитет на претходните и продолжува со нови антикризни мерки да ги поддржува ранливите категории граѓани и најпогодените економски сектори, вели Заев.
Ветува дека Владата ќе ја следи ситуацијата и ќе се прилагодува на развојот на последиците од кризата за да постигне максимална ефикасност во поддршката на компаниите и граѓаните.
А.Т.* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Пет професии кои се дефицитарни - високите плати се примамливи, но стручноста е неопходна
Кога е најдобро време да купите половен автомобил - во овој дел од годината можете да заштедите до неколку стотици евра
Русите пресметаа и објавија колку пари изгуби ЕУ поради санкциите
ПОЧНА РЕКОНСТРУКЦИЈАТА НА СКОПСКАТА ЖЕЛЕЗНИЧКА: Колку време ќе трае и колку чини проектот за новиот изглед?
Плати во плик, кеш промет и скриени приходи – УЈП со засилени контроли
(ВИДЕО) „ОВА Е НЕРЕАЛЕН БУЏЕТ“: Битиќи вели дека предлог буџетот за 2026 година му изгледа на предизборен
Повеќето милијардери живеат во оваа европска земја: Додека беснее економската криза, нивното богатство се зголемува
