Канцерогената српска пченка стигна на македонските трпези, се продавала по големите маркети!
Објавено во: Агробизнис 14 Декември, 2012
Осум тони пченкарно брашно се повлечени, а според проценките на Агенција за храна и ветеринарство голем дел од канцерогеното српско брашно кое влезе во Македонија веќе се има и продадено.
Дел од ова брашно се продавало и на полиците во поголемите маркети низ Македонија.
Како што веќе информираа од Агенцијата за храна и ветеринарство, лабораториски анализи покажале дека има присуство на афлатоксин над дозволеното во неколку примероци пченкарно брашно увезено од Србија.
„Веднаш по добивањето на резултатите од анализите, Агенцијата забрани ставање во промет и нареди повлекување на пченкарното брашно кај кое е утврдено присуство на афлатоксини над дозволеното“, тврдеа вчера од Агенцијата.
По добиената информацијата преку Системот за рано предупредување на Европската унија за присуство на афлатоксини во пченката по потекло од Србија, инспекциските служби на Агенцијата за храна посочија дека засилена е контролата со задолжително лабораториско испитување на пченката и производите од пченка на граничните премини и во внатрешниот промет.
Сепак, дел од канцерогената пченка стигна до трпезите на македонските граѓани.
Можеби ќе ве интересира
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
ДОЖДОТ Е ПОВЕЌЕ ОД ДОБРЕДОЈДЕН: Сепак температурните шокови можат да направат проблеми на земјоделските насади
ДОЖДОТ Е ПОВЕЌЕ ОД ДОБРЕДОЈДЕН: Сепак температурните шокови можат да направат проблеми на земјоделските насади
