28 Септември, 2022
0.0235

КАМАТИТЕ НА ДРЖАВНИТЕ ОБВРЗНИЦИ СЕ ИЗЕДНАЧИЈА СО ОНИЕ НА КОМЕРЦИЈАЛНИТЕ КРЕДИТИ - достигнаа 4,2 проценти, евтини пари веќе нема никаде

Објавено во: Финансии 08 Август, 2022

Добивај вести на Viber

Се поскапо станува задолжувањето на државата на домашниот пазар. Најновите државни обврзници кои се издадени пред неколку дена се веќе по каматни стапки од 4,2 отсто и 4 проценти, што е веќе на некој начин приближно со каматните стапки по кои комерцијалните банки ги кредитираат граѓаните и компаниите. Имено, за јуни, како што говорат податоците на Народна банка на Македонија, просечната каматна стапка на вкупните кредити, изнесувала 4,27 проценти.

Тоа говори дека на државата веројатно и е се потешко да дојде до пари за подмирување на тековните буџетски потреби, па затоа и кај домашните кредитори е принудена да плаќа се повисоки каматни стапки.

На последните аукции од трети август годинава државата се задолжила на домашниот пазар за вкупна сума од 12,5 милиопни евра, по камати од 4,2 и 4 проценти. Информацијата беше објавена преку Македонската берза, од каде известуваат дека веќе од 8 август новите државни обврзници ќе бидат ставени на берзанска котација.

Претходно, пак, државата издаде обврзници по камати од 3,7 и 3,5 проценти, додека, пак, неколку месеци пред тоа каматите по кои се издаваа државните обврзници изнесуваа 3,1 отсто. Тоа значи дека само за неколку месеци задолжувањето на државата на домашниот пазар е поскапено за 1,1 процентен поен. Домашните кредитори и ги зголемуваат каматите на државата, додека, пак, не брзаат тоа да го сторат кај кредитирањето на граѓаните и компаниите, бидејќи каматните стапки на вкупните кредити и натаму продолжуваат да одат по блага надолна линија.

Од Берзата известија дека на 8 август стартуваат со котација на две државни обврзници.

Првите се државни обврзници без девизна клаузула, со вредност на емисијата од 309 милиони денари, односно нешто повеќе од пет милиони евра. Станува збор за 15 годишна државна обврзница, бидејќи нејзиниот датум на доспевање е август 2037 година. А, за каматната стапка е наведено дека ќе изнесува 4,2 отсто. 

Вториот вид на хартии од вредност се државни обврзници со девизна клаузула, со вредност на емисијата од 462 милиони денари или поточно 7,5 милиони евра. И оваа државна обврзница има 15 годишен рок на доспевање, а нејзината каматна стапка ќе изнесува 4 отсто. Државата кога се задолжува на домашниот пазар обично во тие државни хартии од вредност вложуваат домашните банки или институционлните инвеститори, на пример пензиски фондови или осигурителни компании.

Народна банка на Македонија неодамна ја зголеми по трет пат основната камата, односно каматата на благајничките записи, качувајќи ја до ниво од 2,5 отсто, со цел да се заузда високото ниво на инфлација во земјава.

Н.Н.Ф.

Можеби ќе ве интересира

ЛАГАРД: ЕЦБ ЌЕ ПРОДОЛЖИ ДА ГИ ЗГОЛЕМУВА КАМАТИТЕ, иако тоа ќе го ослаби растот

ЛАГАРД: ЕЦБ ЌЕ ПРОДОЛЖИ ДА ГИ ЗГОЛЕМУВА КАМАТИТЕ, иако тоа ќе го ослаби растот

РЕГУЛИРАЊЕ НА КРИПТО ПАЗАРОТ, ММФ повикува на глобален одговор кој ќе ги пополни регулаторните празнини

РЕГУЛИРАЊЕ НА КРИПТО ПАЗАРОТ, ММФ повикува на глобален одговор кој ќе ги пополни регулаторните празнини

ЌЕ НЕ СПАСУВА ГЕРМАНСКА ОБВРЗНИЦА, Владата обезбеди 250 милиони евра за отплата на стари долгови

ЌЕ НЕ СПАСУВА ГЕРМАНСКА ОБВРЗНИЦА, Владата обезбеди 250 милиони евра за отплата на стари долгови

АРТОН ЛЕНА Е ОТПОВИКАН ОД МЕСТОТО ИЗВРШЕН ДИРЕКТОР ВО ВФП ФОНД МЕНАЏМЕНТ - на негово место доаѓа Андријана Поповска

АРТОН ЛЕНА Е ОТПОВИКАН ОД МЕСТОТО ИЗВРШЕН ДИРЕКТОР ВО ВФП ФОНД МЕНАЏМЕНТ - на негово место доаѓа Андријана Поповска

Фунтата на рекордно ниско ниво, расте вредноста на доларот во однос на кошницата на валути

Фунтата на рекордно ниско ниво, расте вредноста на доларот во однос на кошницата на валути

КОМПАНИИТЕ НАГРНАА ПО КРЕДИТИ, РИЗИЧНИ ЗАДОЛЖУВАЊАТА ВО СТРАНСКИ ВАЛУТИ, затегнувањето на монетарната политика ќе ги направи кредитите уште поскапи

КОМПАНИИТЕ НАГРНАА ПО КРЕДИТИ, РИЗИЧНИ ЗАДОЛЖУВАЊАТА ВО СТРАНСКИ ВАЛУТИ, затегнувањето на монетарната политика ќе ги направи кредитите уште поскапи

ГРАЃАНИТЕ НАЈМНОГУ СЕ ЖАЛАТ ЗА ДЕБИТНИТЕ И КРЕДИТНИТЕ КАРТИЧКИ, НБ со анализа на поплаките од корисниците

ГРАЃАНИТЕ НАЈМНОГУ СЕ ЖАЛАТ ЗА ДЕБИТНИТЕ И КРЕДИТНИТЕ КАРТИЧКИ, НБ со анализа на поплаките од корисниците

БАНКАТА НА АНГЛИЈА ГИ ЗГОЛЕМИ КАМАТНИТЕ СТАПКИ, поскапувањата поттикнаа раст за половина поен втор месец по ред

БАНКАТА НА АНГЛИЈА ГИ ЗГОЛЕМИ КАМАТНИТЕ СТАПКИ, поскапувањата поттикнаа раст за половина поен втор месец по ред

ДОЛАРОТ СЕ ПОЈАК ОД ЕВРОТО, српски експерти со совети дали треба да се променат навиките на штедење

ДОЛАРОТ СЕ ПОЈАК ОД ЕВРОТО, српски експерти со совети дали треба да се променат навиките на штедење