КАКВА ПОРАКА ИСПРАТИ РАДЕВ ВО ИЛИНДЕНСКАТА ЧЕСТИТКА ДО МАКЕДОНИЈА? „Втори август е славен датум за нашата заедничка историја“
Објавено во: Македонија 03 Август, 2024 13:44
Република Бугарија останува решена да работи на воспоставување добрососедски односи со Северна Македонија и да ја обезбеди потребната поддршка за исполнување на договорените критериуми за членство во ЕУ, вели шефот на бугарската држава во честитката до македонската колешка.
Како наследници на нашите предци, имаме одговорност и историска должност да ги следиме и достојно да ги чуваме заветите од нашето минато, заради нашата заедничка европска иднина, порачува претседателот на Бугарија, Румен Радев, во честитката до граѓаните на Северна Македонија и до колешката Гордана Силјановска-Давкова, по повод македонскиот државен празник Илинден.
Шефот на бугарската држава во честитката посочува: „2 август е славен датум за нашата заедничка историја и заедно со настаните поврзани со Илинденско-Преображенското востание се причина за гордост и почит кон храброста и посветеноста на нашите предци во името на нивните аспирации за слобода, еднаквост и правда“.
Според него, саможртвата на хероите од Илинденско-Преображенското востание го носи сеќавањето низ времето кое засекогаш ќе ги поврзе Бугарија и Република Северна Македонија и нивните граѓани.
„Високите идеали на востанието денес се основата на вредностите на обединета Европа“, потенцира Румен Радев констатирајќи дека заедничката европска иднина бара неопходна волја и искрен пристап во спроведувањето на Договорот за пријателство, добрососедство и соработка од 2017 година и преземените обврски.
„Република Бугарија останува решена да работи на воспоставување добрососедски односи со Република Северна Македонија и да ја обезбеди потребната поддршка за исполнување на договорените критериуми за членство во ЕУ“, подвлекува Радев во честитката до Силјановска-Давкова.
Можеби ќе ве интересира
ОПОЖАРЕНО ВОЗИЛО ВО АЕРОДРОМ: Тројца пожарникари го гаснеле пожарот
МИНИСТЕРСКИ МАТЕМАТИКИ: Таравари замина, кому ќе му припадне неговото место?
„ТАРАВАРИ Е РАЗОЧАРУВАЊЕ - ТИ СЕ ВРАЌАШ КОН ЦРНАТА ЛИСТА“: Меџити за довчерашниот коалиционен партнер
„Нептун“ го носи „Miele“ на македонскиот пазар - Премиум апарати, модерна естетика и долгорочна употреба
ГАРДЕРОБА, ФРИЗУРА, ШМИНКА: Колку трошат младите за да се спремат за матурската вечер?
И СО 15 ГОДИНИ ИСКУСТВО – ПРВО ВОЛОНТЕР, ПА ХОНОРАРЕЦ: Најави за вработувања на средномедицински кадар има постојано, но за кого се работните места?
„ЗЛАТНА ДА Е ВИЗАТА“. И Шилегов се огласи за златните визи на Заев и Филипче, дали тој ги критикува?
„ЕУ ЈА БРАНИ МАКЕДОНИЈА САМАТА ОД СЕБЕ“: Величковски за споредбите помеѓу ситуацијата на Украина и земјава вели дека се безобразни
НИТУ ХАЈРЕДИНИ НЕ МУ ВЕРУВА НА ТАРАВАРИ ДЕКА ЗАМИНУВА КАЈ ГРАЃАНИТЕ: „Вистинската причина останува енигма“
