Како нафтата ја стартуваше годинава?
Објавено во: Економија 10 Јануари, 2017
Нафтата ја почна 2017 година со пад на цените.
Цените на нафтата во светот имаат пад поради загриженоста дека договорот за намалување на производството постигнат меѓу ОПЕК, Русија и други производители нема да функционира како што беше договорено. На берзата во Лондон цената на нафтата падна за 4%, односно барел се продаваше за над 54 долари.
До ова дојде откако Ирак објави дека извозот од нејзините најголеми нафтени полиња достигна рекордни 3,5 милиони барели дневно. Инвеститорите се загрижени дека зголемувањето на производството во Ирак, втор по големина производител на ОПЕК, ќе биде проследено со зголемување на производството на Иран.
2017 ќе биде година на несигурност кога е во прашање нафтата. Земјите производители ќе треба да научат да живеат со цени до максимум 50 долари за барел. Тоа е далеку од балансирање на буџетите, што за повеќето од нив значи 80 до 90 долари за барел. Некои од тие земји се уште имаат големи резерви, но за останатите - од Венецуела, преку оние во субсахарска Африка и Централна Азија - тоа ќе биде период на многу ниски приходи.