Како Хари Костов прави пари? Добивката на „Комерцијална банка“ порасна за 64 отсто
Објавено во: Економија 29 Април, 2021 07:27
Падот на нето приходи од камати се компензира и надоместува со раст на нето приходи од провизии и со зголемување на останати приходи од дејноста и со помали резервации од лани. Исходот е маестрален! Добивката порасна за 64 отсто и достигна 5,9 милиони евра.
„Комерцијална банка“ има фанстастичен старт годинава. Благодарејќи на одмерени растови на приходи и намалени резервации успеа да ја зголеми добивката за првите три месеци за 64 отсто во споредба со истиот период лани, покажуваат официјалните податоци од билансот на успех објавен на информативниот сервис СЕИ НЕТ.
Нето приходите од камати остануваат најголема приходна стака и за три месеци изнесуваат 9,37 милиони евра. Тие се пониски за 565.000 евра во споредба со истиот период лани. Затоа пак растат нето приходите од провизии и останатите приходи од дејноста. Нето приходите од провизии изнесуваат 3,92 милиони евра и се за 252.000 евра повисоки, а останатите приходи од дејноста пораснале за 735.000 евра и надминале 3 милиони евра.
Паралелно со растот на овие две категории банката ги намалила резервациите за 1,55 милиони евра во споредба со истиот период лани и тие изнесуваат 4,6 милиони евра. Трошоците за вработените се 3,2 милиони евра и се на исто ниво, а останатите расходи од дејноста се намалени за 333.000 евра и изнесуваат 2,66 милиони евра.
Добивката на банката за три месеци изнесува 5,86 милиони евра.
Од билансот на состојба видно е дека растат депозитите за 45,8 милиони евра до износ од 1,94 милијарди евра, а кредитите бележат минимален раст од неполни 4 милиони евра и се ниво од 832,4 милиони евра. Во хартии од вредност (државни н.з.) „Комерцијална банка на крај на март годинава чува 396,2 милиони евра.
Р.Ф.* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ПО ИНЦИДЕНТОТ СО ТУРЦИ ВО ПОДГОРИЦА: Во ноември, секој ден се затвораше по една турска компанија
Цената на кафето расте, но луѓето не се откажуваат од својот омилен напиток
Како да се одреди вистинската плата за новoто работно место?
Германија тоне во најлошата криза од 1945 година, индустријата се соочува со проблеми
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
Обидот за увоз на берачи од Бангладеш и Пакистан не успеа во соседството
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
