Каевски: Парите за спортските објекти се намалени поради Охридскиот базен
Објавено во: Финансии 08 Ноември, 2019
Владата преку Агенцијата за млади и спорт ја намали проекцијата на сумата што треба да се инвестира во изградба и реконструкција на спортски објекти во 2019. Пред еден месец донесена е одлука до крајот на годината да се потрошат 170,7 наместо 210 милиони денари.
Оваа владина програма вклучува изградба на пливачки базен во Охрид, реконструкција на затворениот базен во Струга, изградба на 14 затворени училишни базени, изградба на спортска сала во Шуто Оризари, на две сали за боречки вештини, изнајмување на седум монтажни лизгалишта и реконструкција на други спортски објекти.
Дарко Каевски, директорот на Агенцијата за млади и спорт, вели дека намалувањето на предвидената сума се должи поради тоа што има доцнење во рокот на делот од изградбата на базенот во Охрид. Станува збор за пропусти во изведувањето на градежните работи,кои ја стопирале изградбата на затворениот пливачки базен кој е капитален објект вреден 5 милиони евра,- Изведувачот сега има рок до 31 декември 2020, до кога очекувам да биде завршен. Проблем претставуваа тоа што градењето навлезе под нивото на водата од езерото. За другите проекти нема застој. Мои очекувања се дека базенот во Струга ќе биде готов во 2021, а истата година и првите шест училишни базени. Најбрзо за реализација ќе бидат монтажните лизгалишта, кои ќе бидат подготвени оваа година, вели Каевски.
Што се однесува до државните инвестиции во спортските објекти, Министерството за образование гради и пушта во употреба училишни спортски сали. Според ребалансот на буџетот за 2019, за спортските објекти во основните училишта се предвидени да се потрошат 408 милиони денари, додека за тие во средните училишта 81 милион денари.Поголемиот дел се во рамките на проектот „изградба на 145 спортски сали“ од претходното владеење, за што актуелната Влада одлучи да го продолжи. За оваа цел беше постигнат кредитен договор од 30 милиони евра со ЕБОР, а целокупната инвестиција би чинела 75 милиони евра.
Во програмата на Јавното претпријатие за стопанисување со станбен и деловен простор за 2019-та се предвидени 400.000 евра за Националната фудбалска арена „Тоше Проески“ за нејзина доизградба, адаптација и реконструкција.А.К.
Можеби ќе ве интересира
И СТОПАНСКА БАНКА БИТОЛА ПОТВРДУВА: Се разгледува можноста за присоединување кон Комерцијална банка
Е СЕГА Е НАВИСТИНА СЕРИОЗНО: Комерцијална банка почнува длабинска анализа на Стопанска Битола за да се одлучи за можно присоединување
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
НАЈСТАРАТА МАКЕДОНСКА БАНКА СЛАВИ 80 ГОДИНИ, А ИМА И УБАВА ВЕСТ - еве како оствари чист профит поголем од 14 милиони евра
„НОЌЕВАЊЕ ВО ОХРИД ЗА ДВЕ ИЛЈАДИ ДИНАРИ“: Еве како српски „Б92“ им го претстави македонскиот бисер на Србите
ПЛАТА 120.000, А НЕ ВИ ТРЕБА ФАКУЛТЕТ! Младите се почесто отвораат сопствен бизнис во оваа област, а работници нема доволно во Србија
САМО НЕБОТО Е ЛИМИТ ЗА МАКЕДОНСКИТЕ БАНКИ! Која од нив објави 19 милиони евра профит за три месеци?
ОВА СЕ ЧЕТИРИТЕ НАЈГОЛЕМИ УЛТРА ИНТИМНИ ВИП НАСТАНИ КАДЕ ОДАТ НАЈБОГАТИТЕ: Тука тешко е да присуствува обичен човек
РАБОТАТ ОД ДОМА, А СААТНИЦАТА ДОСТИГНУВА 200 ЕВРА: Ова е список на работни места за кои многумина сонуваат
