Каде ќе ја гради Вице Заев првата фотоцентрала?
Објавено во: Економија 17 Мај, 2023
Првата фотоцентрала што ќе ја изгради Солар Грин Енерџи на Вице Заев и Панче Заев, братот и таткото на поранешниот премиер Зоран Заев, ќе биде со моќност од 315 киловати и ќе биде поставена на кров од објект.
Фирмата за производство на електрична енергија, регистрирана лани во октомври, го поднесе првото барање за издавање на лиценца до Регулаторната комисија за енергетика, а истото е објавено на 15 мај.
„Друштвото за производство, трговија и услуги СОЛАР ГРИН ЕНЕРЏИ ДООЕЛ Струмица, со седиште ул. Гоце Делчев бр.113 Струмица, на 10 мај 2023 до Регулаторна комисија за енергетика и водни услуги на Република Северна Македонија поднесе Барање УП1 бр.12-314/23 за издавање на лиценца за вршење на енергетска дејност производство на електрична енергија од фотонапонска електроцентрала ФЕЦ „СОЛАР ГРИН 3“ со инсталирана моќност од 315 kW.
Друштвото за производство, трговија и услуги СОЛАР ГРИН ЕНЕРЏИ ДООЕЛ Струмица, со барањето достави, Решение за поставување на фотонапонски панели за производство на електрична енергија на кров од постоечки објект “СОЛАР ГРИН 3” со моќност од 315 kW на КП бр. 2077/2 (на дел од објект бр.1 и на дел од објект бр. 2) КО Струмица“, објави РКЕ.
Решението за изградба е издадено од 25 ноември 2022 од Општина
Струмица.
Целта за стекнување на лиценцата e производство на електрична енергија за продажба на
слободниот пазар.
Бараното времетраење на лиценцата е 35 години, дополнува РКЕ.
Вице Заев, братот на поранешниот премиер Зоран Заев, е управител на Солар Грин Енерџи, чиј сопственик е Панче Заев. Сега е јасно дека оваа компанија ќе го користи сонцето како обновлив извор на енергија за производство на струја.
Солар Грин Енерџи може да се каже дека е втора фирма во потесното семејство на Зоран Заев во бизнисот со електрична енергија, покрај Тотал Енерџи на синот Душко Заев.
Власта неодамна објави дека во последниот период се инсталирани 283 мегавати зелена енергија 283 мегавати, а од нив, 200 мегавати се инсталирани и веќе вклучени на мрежата само во изминатите година и три месеци.
А.К.
Можеби ќе ве интересира
ФАКТОР АНАЛИЗА: Скопските ИТ компании доминираат со направените добивки кај програмерите
ЕКОНОМСКИ НАПРЕДОК: За две децении 10-те „нови членки“ на EУ го удвоија својот БДП
„Ќе забават инвестициите на германските компании во Македонија“: бизнис климата ја оценуваат како добра, но недостига стручен кадар
ФАКТОР АНАЛИЗА: Најголеми компании по добивка во Струмица - Панче Заев и Г'на дебитанти
ИЗМАЧУВАЧКО БАВНО ЗАКРЕПНУВАЊЕ: Европската комисија ја намали економската прогноза за Германија
Меѓународните туристи добиваат подобро искуство за патување со преференцијалните мерки на Кина
ЗА ДОБРА ГОЛТКА ВИНО СТРАНЦИТЕ НЕ ЖАЛАТ ПАРИ, „ТИКВЕШ“ СО ПРИХОД ОД НАД СЕДУМ МИЛИОНИ ЕВРА - еве колку е чистиот профит за три месеци
СЕ БЛИЖАТ ОДМОРИТЕ: Уживањето на плажа се плаќа на рати
АЗЕСКИ НА СРЕДБА СО РАКОВОДСТВОТО НА „КОСТАЛ ГРУПАЦИЈАТА“ ОД ГЕРМАНИЈА
