ЈСП нема договор со нов продажбен дистрибутер
Објавено во: Економија 28 Мај, 2018
Во следните неколку дена картичките „Скопска“ ќе може да се купуваат и да се надополнуваат единствено во продажните места на ЈСП, бидејќи скопското јавно претпријатие нема продажбен договор со друг дистрибутер.
Од претпријатието информираат дека ваквата ситуација е настаната поради завршување на договорот помеѓу ЈСП Скопје и фирмата-мастер дилер за продажба на нивните услуги.
„ЈСП Скопје навремено се подготви за решавање на оваа ситуација. Потребната опрема и логистика се обезбедени и многу наскоро граѓаните ќе имаат можност повторно да ги купуваат нашите услуги преку мрежа на секундарна дистрибуција. Ви се извинуваме за евентуалните нелагодности поради оваа ситуација, но пред целосна вредносна искористеност на договорот кој го имаме склучено со фирмата-мастер дилер, не бевме во можност за активирање на подготвено решение, со кое многу наскоро продажба на нашите услуги ќе биде повторно возможна преку мрежа на секундарна дистрибуција“, соопшти ЈСП.