ЈСП изнајмува автобуси на ВМРО ДПМНЕ за 40 евра

Добивај вести на Viber

За партиски потреби, автобусите на ЈСП минатата година ги изнајмиле само две политички партии. Договори за изнајмување со ЈСП Скопје склучиле ВМРО –ДПМНЕ и ГРОМ. При тоа, ВМРО-ДПМНЕ склучило 12 договори, додека ГРОМ склучиле 5 договори. Договорите се склучени од јануари до крајот на ноември минатата година. Сепак, интересно е дека иако во средината на ноември, можеше да се види дека и ДУИ на партиски митинг превезуваше свои симпатизери со автобуси на ЈСП, сепак од јавното сообраќајно претпријатие не посочуваат дека имаат склучен договор со оваа партија.  

Наташа Стојановска

За автобусите на ЈСП Скопје што ВМРО-ДПМНЕ ги изнајмувало за партиски потреби во просек плаќало по 40 евра од автобус, додека пак партијата ГРОМ во просек плаќала по околу 70 евра за изнајмен автобус. До ваквата пресметка на Фактор се доаѓа врз основа на официјалните податоци добиени од Јавното сообраќајно претпријатие.

ВМРО –ДПМНЕ изнајмило 185 автобуси за 7.330 евра. ГРОМ изјамиле 15 автобуси за 1.000 евра

Од ЈСП Скопје информираат дека минатата година, односно од јануари до крајот на ноември ВМРО-ДПМНЕ платило вкупно 7.330 евра за изнајмување на автобуси. При тоа, изнајмени бил 185 автобуси.

Тоа значи дека ВМРО –ДПМНЕ во просек плаќало по 40 евра од изнајмен автобус. Автобусите се изнајмени во периодот до крајот на ноември.  А ВМРО ДПМНЕ во ово период склучило 12 договори.  

Нешто поскапо ги за изнајмените автобуси плаќале од политичката партија ГРОМ. Односно за нив во просек цената била 68 евра. Па така, поличката партија ГРОМ, за изнајмените 15 автобуси платила вкупно 1.020 евра.

ГРОМ н Стевче Јакимовски, во пеериодот од јанууари до крајот на ноември минатата година склучило 5 договори.

Од ЈСП – Скопје велат дека цените за изнамување на автобусите се утврдени.

„Цената се дефинира исклучиво согласно Одлуката за цените на договорниот превоз“,велат од ЈСП Скопје.

ДУИ на партиски митинг превезуваше симпатизери со автобуси на ЈСП.

Иако, на партискиот минитнг на ДУИ, што се одржа на средината на ноември, пред последните парламентарни избори минатата година, симпатизерите на оваа партија се превезуваа со автобуси на ЈСП, сепак, сега од јавното сообраќајно претпријатие посочуваат дека во периодот од јануари до 30 ноември договори склучиле само со ВМРО-ДПМНЕ и ГРОМ.

Нејасно е како тогаш во ноември минатата година ДУИ ги користеше автобусите на ЈСП за партиски цели а тогаш од ЈСП посочија дека автобусите и биле изнајмени на партијата. Иако медиумите тогаш бараа одговори за која цена ДУИ ги изнајмила автобусите и колку автобуси биле изнајмени, ЈСП не даде образложение, а зачудува што и сега во официјалните одговори за Фактор, не се споменува договор со оваа партија, иако периодот за кој се побарани податоците се совпаѓа со периодот во кој ДУИ ги користеше автобусите на ЈСП.