ЈАС СУМ РУСЛАН, ПРЕТСЕДАТЕЛ НА УКРАИНА Е ЗЕЛЕНСКИ - Дали пратеничката Калеска - Ванчева знаеше со кого се сретна?

Добивај вести на Viber

Гаф, грешка во протокол, грешка во превод или што? 

Пратеничката Снежана Калеска-Ванчева од СДСМ ја бранува јавноста денеска со својата објава на социјалната мрежа „Фејсбук“ каде постави слика на која е сликана заедно со „Олександар Турчинов, спикер на Врхованта рада, кој воедно ја извршува привремено и функцијата Претседател на Украина“. 

Фотографијата веројатно ќе поминеше незабележана, доколку на истата не реплицираше човекот кој се сликал со Калеска-Ванчева и кој укажува оти ем му го згрешила името, но и неговата функција. 

- Драга Снежана. Ми беше мило што се запознавме. Но, моето име е Руслан Стефанчук. Јас сум спикер во украинскиот Парламент. Претседател на Украина е Володомир Зеленски - пишува во коментар под објавата на фотографијата на нашата пратеничка. 

Пратеничката не ја избриша фотографијата, туку само го измени описот, но не доволно брзо за нејзината грешка да не биде забележана и од самиот Стефанчук и од многу други Украинци и Македонци.

На оваа „грешка“ реагираше и пратеникот од ВМРО-ДПМНЕ, Антонио Милошоски кој оваа ситуација ја нарече не е само лично резилење на пратеничката, туку и девалвирање на македонското Собрание во целина.

- Од дипломатските активности на пратениците на СДСМ издвојуваме уште еден „бисер“ кој докажува дека нивното про-форма фотографирање за време на патувањата во странство нема политичка содржина, ниту реална корист за Македонија. Напротив. Да не му го знаеш ниту името, ниту функцијата на оној со кого се фалиш дека ти е пријател и со кого имаш блиц фотографија не е само лично бламирање, туку и девалвирање на македонското Собрание во целина. Во случајов ваквата површност е и понижувачка за Претседателот на парламентот на Украина - реагира Милошоски.

Неговиот пост ви го пренесуваме целосно: