10 Јуни, 2023
0.0265

ЈАНКУЛОВСКА И ЈАНЕВА КОМШИКИ ВО ИДРИЗОВО - Поранешната министерка го гледа синот само три часа месечно

Објавено во: Македонија 01 Април, 2023

Добивај вести на Viber

Поранешната министерка за внатрешни работи Гордана Јанкулоска, која е осудена на затворска казна, го гледа синот само три часа месечно. Ова во телвизиско гостување го посочи сопругот на Јанкуловска, Влатко Илиевски. 

Тој посоли дека таа е во одлична психофизичка состојба и достоинствено и стоички се справува со сите малтретирања и дискриминации.

Јанкулоска е осудена на четири години затвор за случајот „Тенк“. Нејзиниот сопруг вели дека таа во затворот „Идризово“ секојдневно џогира и се храни здраво, па затоа нема простор за грижа од тој аспект. Но, Илиевски вели дека како семејство имаат можност да се гледаат само трипати месечно по еден час, а тоа значи дека Јанкулоска го гледа четиригодишниот син само три часа во месецот.

„Мајка ми на 75 години мораше да упадне, практично таа се пресели кај нас и ја игра улогата на мајка. Морам да ги поздравам и да се заблагодарам на воспитувачките и учителките во градинката каде што оди, го прифатија како свое дете и свесни за тоа што му недостига во животот, се обидуваат и тие, на еден или на друг начин, да му го компензираат тоа со грижата што му ја даваат во градинка. Така што, се снаоѓаме“, вели  Илиевски, во синоќешното гостување во „360 степени“ на „Алсат“.

Јанкулоска во „Идризово“ е сместена во соба наспроти онаа во која казна издржува Катица Јанева, некогашната шефица на Специјалното јавно обвинителство (СЈО), кое ги поднесе обвиненијата против поранешната министерка. Тие, како што рече Илиевски, имаат комуникација, но најчесто за дневни потреби, а не во однос на обвиненијата.

Сопругот на Јанкулоска, на прашањето дали ексминистерката за внатрешни работи чувствува каење за тоа што била дел од систем што ЕУ го нарече „заробена држава“ и што до крај му остана верна соработничка на Никола Груевски, вели дека таа „има чувство на каење што не си заминала порано од политиката, бидејќи тој труд и време што го одвојувала за министерството со кое раководела и со ангажманот во партијата, можела да го канализира во други работи со кои денеска би имала полагоден, поубав и комфорен живот“.

Илиевски вели дека од денешна гледна точка може многу полесно да се оцени каква била ситуацијата тогаш, но додава дека кога сте „во машината“, со огромни проблеми на дневна основа, човек не може да ја согледа целата слика и да се повлече од политиката кога е неопходен таков чекор.

„Ако сме реални и искрени, од тие разговори што беа пуштени во јавноста на фамозните прес-конференции на Заев, може да се каже дека единствено Гордана Јанкулоска и Зоран Ставрески се гласот на разумот“, рече Илиевски.

Можеби ќе ве интересира

Почина жената што падна од 6-ти кат во Бутел

Почина жената што падна од 6-ти кат во Бутел

Декан Горан Марковски: Феномени како во Делчево ќе има се почесто

Декан Горан Марковски: Феномени како во Делчево ќе има се почесто

Мицкоски и Пандов открија биста на Драган Богдановски до седиштето на ВМРО-ДПМНЕ

Мицкоски и Пандов открија биста на Драган Богдановски до седиштето на ВМРО-ДПМНЕ

Државен испитен центар: Матурантите препишувале откако ги добиле тестовите по англиски јазик

Државен испитен центар: Матурантите препишувале откако ги добиле тестовите по англиски јазик

Сашко Јовев би сакал да биде министер за здравство

Сашко Јовев би сакал да биде министер за здравство

Некој го открил матурскиот тест по англиски јазик

Некој го открил матурскиот тест по англиски јазик

Автопатот пред влезот на Охрид ќе биде затворен во наредните 45 дена

Автопатот пред влезот на Охрид ќе биде затворен во наредните 45 дена

Ресенчанец загина откако излета од пат

Ресенчанец загина откако излета од пат

Велосипедистка почина во сообраќајка во Прилеп

Велосипедистка почина во сообраќајка во Прилеп