Јане Ченто не му се лути на Иванов што не даде амнестија
Објавено во: Македонија 12 Мај, 2019
Јане Ченто, инаку осуден на 15 години затвор првостепено за крвавите настани на 27 април во Собранието, на својот профил на Фејсбук напиша дека не му се лути на претседателот Ѓорѓе Иванов што не дал амнестија за обвинетите и осомничените од „крвавиот четврток“.
„Не му замерувајте на г-динот Иванов што не го искористи неговото право за да го запре лудилото во кое се наоѓаме долго време и ние и нашата држава Република Македонија. Не ги знаеме околностите што се одвиваат зад затворени врати, дали биле притисоци, уцени и слично, не може секој да се спротистави тоа е до карактерот. Но што е тука е. Борбата продолжува. Ќе ја добиеме битката на судски пат, ќе се мачиме но не се предаваме ние бидејќи сме невини и правдата ќе стигне. За да бидете вистински Претседател на државата треба да се грижите за сите од таа функција која ја имате, тоа го прават вистинските државници. Историјата ќе суди за сите политичари па така и за г-динот Иванов дали бил добар или лош Претседател на Република Македонија. Ми беше чест и задоволство што учевствував во кампањата и 2009 и 2014 година и застанав зад него за да биде Претседател на Република Македонија, дали било исправно или погрешно ќе суди историјата како и секогаш“, напиша Ченсто за Иванов.
За денеска е закажана инаугирацијата на новоизбраниот претседател на Македонија, Стево Пендаровски, а воедно е последен работен ден за Иванов во резиденцијата на Водно како шеф на државата.