Измамници лажат граѓани дека нивни блиски прегазиле дете и бараат пари да не одат во затвор
Објавено во: Македонија 16 Јуни, 2021
Измамници се обидуваат да изнудат пари од граѓани, доведувајќи ги во заблуда дека нивни блиски направиле сообраќајка и треба да платат, за да тие не одат во затвор.
Граѓани на социјалните мрежи алармираат дека добиле телефонски повици од измамници кои ги лажеле дека нивните деца направиле сообраќајна незгода, во која наводно е прегазено и дете.
Измамниците се претставувале како службени лица и ги лажеле граѓаните дека за одредена сума на пари може да ја прикријат сообраќајната незгода, за децата да не им одат во затвор. Од полицијата потврдуваат дека имаат пријави периодов за телефонски измами. Мета на измамата се повозрасни граѓани.