ИЗЛЕГОА РЕВИЗОРСКИТЕ ИЗВЕШТАИ - и СДСМ и ВМРО-ДПМНЕ имаат проблеми со објектите и со членарините
Објавено во: Македонија 08 Мај, 2020 15:11
Државниот завод за ревизија ги објави конечните ревизорски извештаи на Сметката за редовно работење на политичките партии Движење БЕСА, ДУИ, СДСМ и ВМРО-ДПМНЕ.
Објавен е и конечниот ревизорски извештај на политичката партија ДПА – Ревизија на следење на препораките.
Објавени се и ревизорските извештаи на приходите и расходите на изборните кампањи од претседателските избори 2019 година на кандидатите за претседател: Блерим Река, Стево Пендаровски и Гордана Сиљановска Давкова.
Фактор погледна во извештаите на двете ривалски партии СДСМ и ВМРО-ДПМНЕ.
Ревизорските извештаи се однесуваат на работењето за 2018 година, а одговорни за тој период се лидерите Зоран Заев и Христијан Мицкоски.
За владејачката СДСМ ревизорите констатирале дека за дел од градежните објекти наследени од правниот субјект што е претходник на партијата не е решен сопственичкиот статус, поради што истите не се воведени кај надлежна агенција и во сметководствената евиденција на партијата.
Исто така, констатирано е дека средствата за членарина за секоја општинска организација се уплатувале директно на трансакциската сметка на партијата во вкупен износ, а не поеднично.
Утврдено е постоење и на други системски слабости кои влијаеле во работењето на партијата, како на пример, не биле пропишани конкретни насок за постапување во однос на признавање на приходи и расходи, и во однос на нивното евидентирање.
Додека, пак, за опозициската ВМРО-ДПМНЕ е констатирано дека дел од вредноста на градежните објекти за кои е поведена постапка пред надлежен орган, не е евидентирана во деловните книги на ВМРО-ДПМНЕ.
Обелоденети се состојби во врска со неизмирени обврски кон добавувачите, кои во значителен дел потекнуваат од минати години.
Се укажува и на системски слабости, како што се дека не се пропишани конкретни насоки за постапувањето во однос на признавањето на приходите и расходите.
Поконкретно, не бил регулиран начинот на плаќање, уплата и евидентирање на членарината како извор за финансирање, како и начинот на пренос на средствата од членарина, од сметката за редовно работење, на сметката за соодветна изборна кампања.
Нина Нинеска-Фиданоска
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ФАКТОР НА ДЕНОТ: Владата демантира преговори со Британија за прифаќање азиланти
БОPЕНКА ја заокружува есенската сезона на 5 декември, Светски ден на волонтерите и Светски ден на почвите
Исповед на Надалина, ќерката на актуелниот градоначалник на Кочани која ја преживеа трагедијата: Последната слика на која се сеќавам е луѓе како врескаат, обидувајќи се да излезат
(ВИДЕО) ОГРОМНА ПУКНАТИНА ВО ЛИПКОВО: Жителите се вознемирени
Прекршочна за Менди Ќира и Општина Струга: На прославата за Денот на алабнското знаме изостана македонското знаме
ЛЕКОВИ, ЦИГАРИ, ЖЕСТОКИ ПИЈАЛОЦИ, ЌИЛИМИ - Цариниците со голема заплена, еве каде биле скриени предметите
КАКО ЌЕ ВОЗАТ АВТОБУСИТЕ НА ЈСП ВО ПОНЕДЕЛНИК? Еве како празнично ќе се работи
Се огласи Зоран Заев: Никола, до сега ќе си го одлежеше затворот и ќе беше слободен во Македонија
