Добивај вести на Viber

Нови врнежи се очекуваат денеска, а метеоролозите најавија дека ќе наврнат и до 100 литри дожд на метар квадратен.

Силно невреме со грмотевици ја погоди областа Риека во средата. Големи количества дожд предизвикаа поројни поплави на улиците на Риека, а еден маж загина во поројот што го однесе.

Rijeka pic.twitter.com/jydKR9EHxs

— ŽeljkaB (@b_zeljka) September 28, 2022

Невозможно е да се процени настанатата штета, но застрашувачките снимки покажуваат колку ситуацијата на терен е катастрофална, пренесува 24sata.hr.

Бројни згради беа поплавени и уништени; полициски штаб, штаб на противпожарна бригада, ректорска зграда, прва хрватска гимназија во Риека, детска куќа, шеќерна палата, ММСУ, основно училиште Вежица, Трсат и многу други.

Прашање е дали наставата ќе се одржува во Првата хрватска гимназија во Риека, а сите други поплавени институции дури во четврток ќе можат да ја проценат состојбата на нивните простории, пренесува Нови лист.

Посебно тешка била ситуацијата во центарот на градот каде меѓу другото имало драматична ситуација на игралиште од кое пожарникари и насобрани граѓани спасувале исплашени деца. Имено, во еден момент собата почнала да се полни со вода.

Пожарникарите успеале да ги извлечат децата и сите се добро.

Сообраќајот цела вечер беше во целосен колапс, а голем број жители на Риека останаа заробени во своите автомобили.

Поплавата не ја заобиколи ниту противпожарната станица ЈВП Риека, а преку Инстаграм порачаа дека и покрај ова сѐ уште излегуваат на интервенции.

ДХМЗ: Најмногу дожд се очекува во Риека и Госпиќ

Државниот хидрометеоролошки завод издаде предупредување за четврток. Тие издадоа портокалово предупредување за Хрватска, за која се очекува нестабилно време со големи количини на врнежи.

Најмногу врнежи се очекуваат во Риека и Госпиќ.

ДХМЗ најави дека ќе наврнат и до 100 литри дожд на метар квадратен.

Фото: Screenshot Фејсбук