18 Јануари, 2021
0.0183

Избраните функционери ќе преболат 1.000 до 1.500 евра од платите

Објавено во: Економија 31 Март, 2020

Владините функционери и раководителите именувани од Владата ќе мора да преболат околу 1.000 до 1.500 евра од своите нето-плати доколку биде прифатен предлогот на претседателот на СДСМ, Зоран Заев, тие наредните два месеци да добиваат само минимален доход од 14.500 денари.

Коефициентите на нето-платите на сите овие функционери и управители се движат од 3 до 4, бројки што се множат со просечната нето-плата во Македонија. Последно што е објавено од Владата е дека на Ариф Асани, заменик на директорот на Агенцијата за национална безбедност, коефициентот од 2,9 му се заменува со коефициент 3,5 по половина година откако е избран.

Заев во своето последно интервју за „Фактор“ рече дека мерката ќе се однесува на сите во јавниот сектор, односно, како што вели тој, од премиерот, министрите, пратениците до сите избрани и именувани функционери на централно и локално ниво. 

„Секако дека во оваа мерка влегуваат и оние вработени во администрацијата кои добиваат повисоки плати, но влегуваат и претседатели и членови на Совети на општините и претседателите и членовите на управните и надзорните одбори во институциите кои нема да добијат надоместок за месеците април и мај. Се кратат и трошоците за патувања, за набавка на мебел, автомобили...Важно е да се скрати секаде онаму кадешто може да се скрати за кризата да трае пократко, а негативните економски ефекти од неа да бидат што помали“, вели Заев.

Генераниот секретар на Владата има коефициент од 3,7 просечни плати. Првиот човек на Агенција за национална безбедност, има основна плата со коефициент 4. Едни од најплатените директорски позиции кои ги именува Владата се и онаа на Дирекцијата за технолошко-индустриски развојни зони, Управата за јавни приходи, Царинската управа , ЈП за државни патишта, Агенцијата за промоција на странски инвестиции, а голем коефициент имаат и платите на националните координатори како оној за НАТО и секретарот за законодавство.

Директор  на Агенцијата за примена на јазикот што го зборуваат најмалку 20 отсто од граѓаните на РСМ има основен месечен приход од три просечни македонски нето-плати, Националните координатори во Владата имаат коефициенти на платеност од околу 3 до до 3,3, додека една од најмалите има заменик на директорот на Службата за општи и заеднички работи со коефициент 2,6. Во меѓувреме зголемена е платаа на државните правобранители што ги именува Владата.

Ваков тип на јавни функции има повеќе од 200, како национални координатори, истражители, директори на управи, агенции, дирекции и заводи, претседатели на совети, владини агенти, секретари, специјални претставници и други. Убедливо најмногу се платени директорите и претседателите на регулатроните тела кои ги именува исто така и Владата. За привременото намалување на нивните плати се очекува да се расправа на денешната владина седница како една од мерките за штедење на трошоците. 

Претседателот на ВМРО-ДПМНЕ Христијан Мицкоски, рече дека ќе прифати партијата да се откаже годинава од парите за финансирање на политичките партии, но за возврат побара министрите, замениците и државните секретари до крајот на мандатот да работат про боно, односно без никаков надомест.

А.К.

Можеби ќе ве интересира

ШАХПАСКА ЗА ЗАКОНИТЕ ЗА ПЕНЗИОНИРАЊЕ: Не за жени со 62, туку за сите е 64 години

ШАХПАСКА ЗА ЗАКОНИТЕ ЗА ПЕНЗИОНИРАЊЕ: Не за жени со 62, туку за сите е 64 години

ИМА ШАНСИ ЛОКАЛИТЕ И РЕСТОРАНИТЕ ДА РАБОТАТ ДО 23 ЧАСОТ - конечниот збор ќе го каже Комисијата за заразни болести

ИМА ШАНСИ ЛОКАЛИТЕ И РЕСТОРАНИТЕ ДА РАБОТАТ ДО 23 ЧАСОТ - конечниот збор ќе го каже Комисијата за заразни болести

Горивата поскапуваат од денар до денар и половина - еве ја новата одлука на регулаторите

Горивата поскапуваат од денар до денар и половина - еве ја новата одлука на регулаторите

СДСМ најавува 23 милијарди денари за капитални инвестиции во 2021

СДСМ најавува 23 милијарди денари за капитални инвестиции во 2021

Цените на становите во вис и покрај кризата: Достигнат ценовниот бум од 2010 година

Цените на становите во вис и покрај кризата: Достигнат ценовниот бум од 2010 година

Владата му даде милион евра аванс на АД ЕСМ за да ја докупи зградата на ЕВН

Владата му даде милион евра аванс на АД ЕСМ за да ја докупи зградата на ЕВН

ДОАЃА ВРЕМЕТО НА ЗДРАВАТА ХРАНА - како мала фирма за барови ги освои домашните потрошувачи

ДОАЃА ВРЕМЕТО НА ЗДРАВАТА ХРАНА - како мала фирма за барови ги освои домашните потрошувачи

ИНТЕРВЈУ ХАЏИДИНЕВ: Никогаш досега не сме билe постабилни и со поголем потенцијал

ИНТЕРВЈУ ХАЏИДИНЕВ: Никогаш досега не сме билe постабилни и со поголем потенцијал

РАБОТЕЛЕ ЗА ПЛАТА ОД 2 ДЕНАРИ: Чевларска компанија од Штип толку плата им исплатила на работниците за септември

РАБОТЕЛЕ ЗА ПЛАТА ОД 2 ДЕНАРИ: Чевларска компанија од Штип толку плата им исплатила на работниците за септември