ИСТО КАКО ШТО ТАМИФЛУ ГО СПРЕЧУВА ГРИПОТ - Фајзер преминува на следна фаза на клинички тестови за лекот кој треба да спречува прогресија на ковид
Објавено во: Свет 01 Октомври, 2021
Компанијата Фајзер вели дека поминува во следната фаза на клинички тестови т.е. апчиња за отстранување на Ковид 19 кај луѓе кои се изложени на инфекција.
Тоа се орални антивирусни лекови кои би ги имитирале ефектите на тамифлу против грипот и би го спречиле развојот на болеста за да не се претвори во тешка клиничка слика. Всушност, Тамифлу делува така што дозволува молекулата на лекот ефикасно да го спречи ширењето на вирусот од заразени до незаразени клетки, а неговата примена гарантира дека вирусните честички остануваат „заклучени“ во веќе заразената клетка и не можат да се шират на соседните или подалечните здрави клетки и ги инфицираат и на тој начин да ја шират инфекцијата.
„Веруваме дека борбата против вирусот ќе бара ефективни третмани за луѓето кои се заразиле или биле изложени на него, надополнувајќи го влијанието што го имале вакцините“, изјави Мајкл Долстен, главен научен директор на Фајзер.