Ирачката војска и ги брои деновите на ИСИС во Мосул
Објавено во: Свет 19 Ноември, 2016
Ирачката војска составена од специјални единици обучени од САД и западните сојузници стануваат се поуспешни во акциите против џихадистичката организација ИСИС која се уште е добро утврдена во градот Мосул, но тамошното владеење им е избројано со оглед на се посилните напади со помош на воени авиони од меѓународната коалиција.
Генералот на специјалните ирачки сили Сами ал-Ариди денеска рече дека милитантите на ИД во источен Мосул се борат со снајпери и ракетни гранати. Западно од Мосул шиитските милитанти вчера ја преземаа целосната контрола врз воениот аеродром Тал Афар. Џаафар ал-Хусеини, портпарол на една од милитантните групи- Бригадите на Хезболах, рече дека во судирите речиси целосно е уништен аеродромот.
Милитантите од Исламска држава го заземаа Мосул, вториот по големина град во Ирак, летото во 2014 година. Офанзивата за преземање на градот која почна на 17 октомври е најголема воена операција во Ирак по повлекувањето на американските војници во 2011 година. Според Обединетите нации повеќе од 56 000 цивили се принудени да ги напуштат своите домови од почетокот на операцијата.