Пронајдени 20 изгорени тела во фабрика за литиумски батерии во Јужна Кореја
Објавено во: Свет 24 Јуни, 2024
Околу 20 тела се пронајдени по пожарот што утринава избувна во јужнокорејска фабрика за батерии јужно од Сеул, објави новинската агенција Јонхап, повикувајќи се на противпожарни служби.
Во фабриката имало 67 луѓе.Телевизиските снимки покажуваат мали експлозии и искри во запалената фабрика. Причината за пожарот засега не е позната.
Фабриката е трикатна зграда од армиран бетон со вкупна површина од околу 2.300 метри квадратни. Пожарникарите тешко го гаснат пожарот бидејќи запалените литиумски батерии тешко се гаснат со конвенционални методи.
Се верува дека во фабриката имало најмалку 35.000 батерии. Јужнокорејската влада свика итен состанок на штабот за вонредни состојби поради пожарот во фабриката.
Јужнокорејскиот претседател Џун Сук-Јол и нареди на полицијата да вложи максимални напори во операциите за пребарување и спасување по пожарот во фабриката.