03 Август, 2021
0.0276

ИНСТИТУТОТ ЗА ТБЦ ЈА ИСПРАТИ ПОСЛЕДНАТА ПАЦИЕНТКА ХОСПИТАЛИЗИРАНА ПОРАДИ КОВИД: Директорот Сеад Зејнел ексклузивно за Фактор

Објавено во: Македонија 15 Јуни, 2021

Ковид-центрите на територијата на цела Македонија се празнат секојдневно, а приемите на пациенти поради компликации од корона вирусот се сведени на минимум. Според последните податоци од Министерството за здравство бројот на пациенти на кои им е потребно болничко лекување веќе е под 100, односно имаме само 96. Во Скопје остануваат само 30 пациенти и тоа 12 во ГОБ „8 Септември“ и 18 на Клиниката за инфективни болести. Институтот за ТБЦ, пак денеска го испрати последниот пациент кој таму се третираше поради Ковид-19. Директорот на Институтот, д-р Сеад Зејнел во разговор за Фактор посочува дека зголемувањето на стапката на вакцинацијата, спречувањето на трансмисијата на вирусот, како и развојот на нови терапиии преку размена на знаења и податоци ни дава реална надеж дека ќе го видиме крајот на актуелната пандемија.

-Чуствуваме исполнетост и гордост што во време на најголемата глобална здравствена криза, коронавирусната пандемија, служевме на нашиот народ во првите редови како еден од ковид центрите во нашата земја. Од друга страна, среќни сме што го поминавме овој тежок период без поголеми проблеми по однос на нашето здравје и функционирањето на работниот процес, од кој излегуваме со поголемо искуство и подготвеност за периодот што следи. Институтот за белодробни заболувања и туберкулоза, Скопје, се стави во служба како ковид центар на 1ви Ноември 2020 година, кога вториот бран земаше замав, како во светски рамки така и кај нас. Во текот на целиот овој седум месечен период служеше со капацитет од 56 кревети, кој во пиковите на вториот и третиот бран беше со недели исполнет до максимум. Во секој момент имаше доволно болнички кревети за згрижување на сите пациенти,  со оглед на тоа што веднаш после нашето ставање во функција како ковид центар, непосредно се пренаменија и другите клиники од интернистичкиот блок. Како што соодветниот бран земаше замав секогаш имаше спремна клиника да го прифати евентуалниот број на хоспитализации, иако бевме под притисок, немаше кризни моменти. Во постојана и интензивна комуникација со Министерството за здравство и директорите на сите ковид центри во земјата, како и службата за итна медицинска помош, секој пациент беше навремено и  непречено згрижен, вели д-р Зејнел.

Директорот Зејнел истовремено посочува дека темпото и товарот на работата биле навистина големи, но дека дефинитивно тимски успеале да се изборат со сите предизвици.

-Лекарите, сестрите и болничарите, сплотени како еден функционален тим беа на висина на задачата против сите предизвици наметнатати од ковид19. Таа сплотеност беше неопходна како никогаш порано, а јас како директор понудив блиска и отворена комуникација и непосредна достапност за мојот персонал, како би можеле на крајот од денот да овозможиме максимална грижа на нашите пациенти, појаснува д-р Зејнел. 

Во однос на неговите предвидувања за состојбата од есен, дали е можен сличен налет на вирусот каков што беше пролетва д-р Зејнел е реален оптимист во однос на периодот што следи, посочувајќи дека вакцините против-корона вирусот, нивната ефикаснот, даваат надеж дека наскоро може да го видиме крајот на епидемијата на Ковид-19.  

-Со оглед на тоа што вакцините покажаа висока ефикасност, сите идни траектории на состојбата во врска со ковид19 ќе зависат од стапката на вакцинираните адулти. Појавата на новите варијанти на коронавирусот претставува фактор кој треба да се земе во предвид кога станува збор за предвидувањата, но пак ќе повторам дека сега ги имаме вакцините, кои со нивната ефикасност придонесуваат во спласнување на пандемијата. Зголемувањето на стапката на вакцинацијата, спречувањето на трансмисијата на вирусот, како и развојот на нови терапиии преку размена на знаења и податоци ни дава реална надеж дека ќе го видиме крајот на актуелната пандемија, заклучува д-р Зејнел во разговорот за Фактор. 

Анита Буховски

Можеби ќе ве интересира

ПОЖАРНА ПАТРОЛА НА МВР НА ТЕРЕН - иако пожарот во кочанско е изгаснат, се прават контроли поради силниот ветер

ПОЖАРНА ПАТРОЛА НА МВР НА ТЕРЕН - иако пожарот во кочанско е изгаснат, се прават контроли поради силниот ветер

Гори и во близина на граничниот премин Богородица

Гори и во близина на граничниот премин Богородица

ПРАТЕНИЦИТЕ ПОСТИГНАА КОНСЕНЗУС ЗА ПОГОЛЕМА ТРАНСПАРЕНТНОСТ И ОТЧЕТНОСТ НА СОБРАНИЕТО

ПРАТЕНИЦИТЕ ПОСТИГНАА КОНСЕНЗУС ЗА ПОГОЛЕМА ТРАНСПАРЕНТНОСТ И ОТЧЕТНОСТ НА СОБРАНИЕТО

Ќе се одржи „Отворен ден на УКИМ“

Ќе се одржи „Отворен ден на УКИМ“

КОВИД СТАТИСТИКА: 23 Оздравени пациенти, нема починати, новозаразени 37

КОВИД СТАТИСТИКА: 23 Оздравени пациенти, нема починати, новозаразени 37

МИЦКОЦКИ СЕ СРЕТНА СО ВУЧИЌ - мини Шенген не е алтернатива на ЕУ, туку начин на премостување на бариерите

МИЦКОЦКИ СЕ СРЕТНА СО ВУЧИЌ - мини Шенген не е алтернатива на ЕУ, туку начин на премостување на бариерите

(ФОТОГАЛЕРИЈА) МЕЃУ ДЕЛЧЕВО И ПЕХЧЕВО УШТЕ ГОРИ: Зафатена е цела Средна Планина во радиус од 5 километри, армијата и денеска е во месноста Пасјак

(ФОТОГАЛЕРИЈА) МЕЃУ ДЕЛЧЕВО И ПЕХЧЕВО УШТЕ ГОРИ: Зафатена е цела Средна Планина во радиус од 5 километри, армијата и денеска е во месноста Пасјак

ПРЕД ВЛЕГУВАЊЕ ВО ВОЗИЛО, ПРВО ЗАДОЛЖИТЕЛНО ДА ГО ПРОВЕТРИТЕ - утре и задутре портокалова фаза, МЗ со препораки

ПРЕД ВЛЕГУВАЊЕ ВО ВОЗИЛО, ПРВО ЗАДОЛЖИТЕЛНО ДА ГО ПРОВЕТРИТЕ - утре и задутре портокалова фаза, МЗ со препораки

Стојанче Ангелов: Нема прогласување на вонредна состојба, хеликоптерот можеше да се сруши

Стојанче Ангелов: Нема прогласување на вонредна состојба, хеликоптерот можеше да се сруши