Инцидент во Скопје: Му фрлал бехатон коцки, овој го прегазил
Објавено во: Македонија 01 Март, 2020
МВР регистрираше инцидент утрово околу 03:40 часот на улива „Анастас Митрев“ во Скопје, до кој дошло поради сообраќајно недоразбирање. Инволвиран фрлал бехатон коцки по такси-возило, а овој при бегството го прегазил.
Поради недоразбирање во сообраќајот, на 37-годишниот таксист Ф.Д. од Скопје му било попречено движењето од патничко моторно возило „пасат“ со скопски регистарски ознаки. Од возилото излегле 30-годишниот М.Н и неговиот сопатник 34-годишниот А.Д. двајцата од Скопје, и започнале да фрлаат бехатон коцки по неговиот автомобил.
Притоа, на таксистот Ф.Д. не му преостанало ништо друго освен да се обиде да побегне, но во тие моменти го удрил М.Н., кој потоа бил пренесен во Комплексот клиники „Мајка Тереза“ за укажување лекарска помош.
Од МВР соопштуваат дека се работи на целосно расчистување на случајот.