ИМАЛО НЕДОСЛЕДНОСТИ ВО НЕЈЗИНИОТ ИСКАЗ: Повторно е сослушана дадилката на Коста Кецмановиќ
Објавено во: Балкан 12 Јуни, 2023 17:48
Повторно е повикана на сослушување дадилката на Коста Кецмановиќ (13), момчето кое на 3 мај изврши масакр во своето училиште во Белград, затоа што имало повеќе недоследности во нејзиниот исказ.
Според неофицијални информации, таа го чувала Коста од неговиот 11-ти месец до масакрот, но немала информација дека момчето воопшто знаело да пука.
Дадилката изјавила дека иако поминала 12 и пол години со него и мислела дека го знае најдобро од сите, била во шок поради масакрот, вели извор од порталот Republika.rs кој е близок до истрагата.
Жената нагласила дека нема сознанија дека момчето знаело да пука.
„Никогаш не го видела со оружје, ниту знаела дека оди на стрелиште и знае да употреби оружје. Не ни забележа дека го интересира истото“, вели изворот.
Жената понатаму изјавила дека Коста бил примерно момче, со добри манири.
„Таа го опиша Коста како вредно и паметно дете кое никогаш не правело проблеми. Бил одличен ученик и имал спортски воннаставни активности“, вели изворот.
Дадилката негирала дека знаела дека таткото го учи момчето да пука.
Коста уби 10 луѓе, девет ученици и еден возрасен човек, вработен во училиштето како обезбедување. Потоа се слуќи уште еден масакр во Младеновац, каде младо момче уби повеќе луѓе, по што Србија презема мерки за разоружување.Можеби ќе ве интересира
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
