ИМА САМО ЕДЕН УСЛОВ: Зеленски вели можно е да разговараат со Русија за територии
Објавено во: Свет 25 Април, 2025 22:12
Претседателот на Украина, Володимир Зеленски изјави дека неговата земја би била подготвена да разговара за територијални отстапки како дел од мировните преговори.
Тој рече дека Украина ќе биде подготвена „да разговара за територијални прашања, но само со целосен и безусловен прекин на огнот“.
„Целосно и безусловно примирје отвора можност да се разговара за сè. Она што го кажува претседателот Трамп е точно и се согласувам со него дека денес немаме доволно оружје за да ја вратиме контролата врз Кримскиот полуостров“, рече тој.
Претходно, официјални лица во Киев ја отфрлија можноста за територијални отстапки во замена за мир со Русија.
Доналд Трамп во интервју за списанието „Тајм“, објавено денес, изјави дека „Крим ќе остане руски“, но украинскиот претседател потоа повтори дека Крим ѝ припаѓа на Украина. Руската инвазија на Украина почна пред повеќе од три години. Украина не сака да отстапува територија на Русија.
Градоначалникот на Киев, Виталиј Кличко изјави за Би-Би-Си дека Украина можеби ќе мора да отстапи дел од својата територија како дел од мировниот договор со Русија.
Можеби ќе ве интересира
Бројот на жртви во нападот на плажата Бонди во Сиднеј се искачи на 16, вклучувајќи и дете
Започна средбата на Зеленски со Виткоф и Кушнер, објави Киев
Москва не отстапува од територијалните барања: Кремљ песимист за мировните разговори во Берлин
ПУКАЊЕ ВО СИДНЕЈ: Масакр на плажа, убиени најмалку 12 лица
ЕУ ГО ЗАМРЗНА РУСКИОТ ИМОТ: Фон дер Лајен порача дека ако Русија и натаму војува, трошоците само ќе растат
(ВИДЕО) ПОПЛАВИ ВО САД: Куќи се кренаа од темели, мостови се уништени
(ВИДЕО) Напад во Црното Море: Ракета „Искендер“ погоди турски патнички и товарен брод во Одеса
Стариот континент доминира на листата на најдобри – еден град отиде чекор понатаму
Трамп потврди дека САД ќе почнат напади врз копнените маршрути по кои се транспортира дрога од Венецуела
