ИЛИ ЌЕ УМРЕ ЗА ВОДА ИЛИ ЌЕ СТИСНЕ ЗАБИ ЧЛЕН НА СЕМЕЈСТВОТО ЗА ДА МУ СЕ НАЈДЕ НА БОЛНИОТ: Кај нас ова личи на башибозук, смета професорот Даниловски
Објавено во: Македонија 16 Септември, 2021
Универзитетскиот
професор и еден од најпознатите епидемиолози во земјава, кој своевремено беше
министер за здравство, д-р Драган Даниловски, денеска во гостување во емисијата
Студио 10 на ТВ 24 нагласува дека присуството на цивили во болницата, односно
блиски на пациентите е само резултат на отсуство на правилен и квалитетен
менаџмент.
-Бидејќи и јас без министер на времето, би постапил како што постапи заменик-министерот за здравство, Илир Хасани и веднаш ќе поднесев оставка. Присуството на цивили во ковид болница, е поради отсуство на правилен и квалитетен менаџмент, кој треба да се состои од планирање на ресурси и анализа на состојбата. Дошле роднините таму. Па нема друго решение. Или ќе умре за вода или ќе стисне заби член на семејството за да му се најде на болниот. Тоа е кикс во менаџментот. Не може директор на болница да не му полага сметки на првиот човек во здравствениот сектор. Кај нас ова личи на башибозук, никој на никого не одговара и знае дека нема да одговара и прави што сака. Факт е дека општата состојба на нашево население е под секоја критика, посочи проф Даниловски во Студио 10 на ТВ 24, доворејќи за оставките на функционерите по пожарот во тетовскиот ковид центар.