Добивај вести на Viber
Шведскиoт производител на мебел ИКЕА планира да го забави темпото на проширување на мрежата на продавници во светот.
„Компанијата ќе обрне поголемо внимание на квалитетот на постоечките места", рече новиот главен извршен директор, Питер Агнефјол, во интервју за Фајненшал тајмс.
Неговиот претходник во тоа место, Мајкл Улсон изјави дека компанијата си постави цел да отвора 20-25 продавници годишно. Според британскиот весник, оваа година беа отворени само пет нови продавници.
За новиот директор, Икеа верува дека растот треба да вклучи повеќе од само обично ширење. Тој изрази надеж дека продажбата на компанијата оваа година ќе се зголеми за 10 отсто, а во 2020-та ќе се удвои и ќе достигне 50 милијарди евра.
Во 2012-та приходите на Икеа достигнаа 27,6 милијардиевра, а во 26 земји имаше вкупно 298 продавници. Во последната финансиска година (од 1 септември 2011-та до 31 август 2012) Икеа, според своите податоци, отворила 11 нови продавници во девет земји.
Во Македонија освен непотврдени најави, засега нема официјална потврда дека ќе се отвора салон на ИКЕА . Во моментов се градат продавниците во Хрватска, а одредени се и локациите за новите салони на ИКЕА во Србија. Од земјите во соседството ИКЕА има свои продавници и во Грција и Бугарија. Македонија, Албанија и Косово остануваат без продавници на шведскиот производител.