И ЕУ нема да се меша откако Русковска се пожали на притисок
Објавено во: Македонија 05 Август, 2022
Европската Унија(ЕУ) одговори по повикот на обвинителката Вилма Русковска која се пожали на притисоци.
Велат дека следат што се случува, ама нема да се мешаат во караницата меѓу шефицата на обвинителството за борба против организиран криминал, Вилма Русковска и директорот на Управата за финансиска полиција, Арафат Муареми.
Од ЕУ за државната агенција МИА изјавија дека внимателно ја следат ситуацијата, но дека тоа прашање треба да го решат надлежните органи.
„Спроведувањето на владеењето на правото е еден од највисоките приоритети за Европската Унија. Тоа е суштински дел од претстојниот преговарачки кластер за фундаменталните вредности, кој прв ќе биде отворен во пристапните преговори со ЕУ. Постоечките закони на земјата ги пропишуваат соодветните надлежности на националните власти и начините на нивната меѓусебна соработка, кои треба да се почитуваат. Ова прашање треба да го решат надлежните органи“, вели Делегацијата на ЕУ во РСМ.
Вчера реагираа и од Амбасадата на САД во земјава, но тие повикаа надлежните органи да го решат проблемот. Муареми најави кривична пријава за Русковска, ја обвини за неетичко работење, а таа се пожали на притисоци.
Русковска повика ЕУ, САД, и европската обвинителка Лаура Ковеси да помогнат во случајот.
Можеби ќе ве интересира
ДУИ на симулирана седница ги избра Бујар и Села за претседатели и направи уставни измени
СОНК: Иако е период на избори, најверојатно ќе почне генерален штрајк во установите од културата
ГЕСТ ЗА ПРИМЕР И ПОЧИТ! Која фирма за свои сограѓани од Свети Николе ќе даде над 250.000 евра?
Маричиќ со „дипломатски“ коментари на предлозите на Османи за Сребреница и Отворен Балкан
„Алкалоид“ најпосакуван работодавач за 2023 година – апсолутен победник според „Вработување.ком“
„ВЕНКО, ЗОШТО ПАК ВО ПОЛИТИКА, МЕСТОТО НА ДОКТОРИТЕ Е ВО ЗДРАВСТВЕНИОТ СИСТЕМ?“: Филипче одговори на прашањето што сите си го поставуваат
„ОВА НЕ Е НОРМАЛНО ШТО СЕ СЛУЧУВА ВО СКОПЈЕ“: Кејот под мостот Гоце Делчев претворен во паркинг!
„АКО ИМЕТО ЗАПАДЕН БАЛКАН ВИ ЗВУЧИ ПОГРДНО, ЗАГАДЕН БАЛКАН Е 100 ПРОЦЕНТИ ТОЧНО“: Д-р Нико Беќаровски објави поразувачка листа, Македонија втора во Европа по загаден воздух
