22 Септември, 2021
0.0229

И „Еленица“ на Заеви со државна помош за исплата на работниците

Објавено во: Економија 12 Јуни, 2020

ИГМ Еленица Струмица е едно од многуте претпријатија добитници на државна помош за исплата на минимални плати за време на кризата предизвикана од корона вирусот.  Со акционерско друштво за индустрија за градежни материјали управува братучедот на Зоран Заев, Трајче Заев, додека Вице Заев, братот на актуелниот претседател на владеачкиот СДСМ, е Член на Управниот одбор. 

Опозицијата од секогаш оваа фирма ја поврзуваше со поранешниот премиер, за што Заев и во јавноста не негираше дека компанијата е дел од заедничкиот семеен бизнис како и неколку други такви. „Отворени финансии“ покажа дека на 14 мај на сметката на ИГМ Еленица од Владата на РСМ и биле исплатени 841.000 денари државна помош за плати за месец април. Пресметано, тоа се минимални плати од 14.500 денари за 58 вработени.

ИГМ Еленица произведува високо квалитетни тули и производи од глина за изградба на домаќинства и комерцијални градби неколку децении. Главно го снабдува домашниот пазар со високо квалитетни керамички блокови и има тенденција да го проширува бизнисот на пазарите во Косово, Србија, Албанија, Бугарија и Грција.

Главната мерка од економскиот пакет на Владата во справувањето со економските последици од корона-кризата e директната помош од 14.500 денари месечно за секој вработен, за месеците април, мај и јуни од сите фирми погодени од кризата, при тоа услов е тие да имаат намален приход за најмалку 30 отсто.

Според Владата, уредбата со законска сила за финансиска поддршка на работодавачите од приватниот сектор е погодна дури за 87 отсто од компаниите и ќе бидат опфатени околу 250.000 работни места. Сумата што ќе ја добие секој работник, за двата месеци, април и мај, изнесува 29.000 денари, скоро 500 евра, односно по 14.500 денари месечно.

„Еленица“ во 2018 година беше компанија со најголема добивка во Струмица. Со приходи од 5,16 милиони евра оствари добивка од 2,7 милиони евра, најмногу поради продажбата на дел од уделот што туланата го имаше во светиниколксата компанија МАМ, лиценцирана за производство на масло од канабис.

А.К.

Можеби ќе ве интересира

ЌЕ ИМА ПЕНЗИИ ОД ИДНИОТ ВТОРНИК - еве по кој редослед ќе се исплатуваат

ЌЕ ИМА ПЕНЗИИ ОД ИДНИОТ ВТОРНИК - еве по кој редослед ќе се исплатуваат

КОЛКУ МАКЕДОНСКИ ФИРМИ СЕ ВО БАНКРОТ: Можно е допрва да се затвораат поради кризата

КОЛКУ МАКЕДОНСКИ ФИРМИ СЕ ВО БАНКРОТ: Можно е допрва да се затвораат поради кризата

МУ СЕ БЛИЖИ ЛИ КРАЈОТ НА ДОЛЖНИЧКОТО РОПСТВО - долговите ќе застаруваат по одреден рок, а и затезната камата нема да смее да биде повисока од главницата?

МУ СЕ БЛИЖИ ЛИ КРАЈОТ НА ДОЛЖНИЧКОТО РОПСТВО - долговите ќе застаруваат по одреден рок, а и затезната камата нема да смее да биде повисока од главницата?

Со законски измени до повеќе пари во општинските каси

Со законски измени до повеќе пари во општинските каси

Следниот месец ќе има голем скок на вредноста на биткоинот

Следниот месец ќе има голем скок на вредноста на биткоинот

Статистика објави дека просечната плата изнесува 28.540 денари

Статистика објави дека просечната плата изнесува 28.540 денари

ЦЕЛ ДЕН НА КОМИСИЈА НЕ МОЖЕ ДА ПОМИНЕ НЕДЕЛА НЕРАБОТЕН ДЕН - МТСП бара пратениците од опозицијата да не ја кочат расправата

ЦЕЛ ДЕН НА КОМИСИЈА НЕ МОЖЕ ДА ПОМИНЕ НЕДЕЛА НЕРАБОТЕН ДЕН - МТСП бара пратениците од опозицијата да не ја кочат расправата

НЕКОИ СНАБДУВАЧИ САКААТ ДА ИМ НАПЛАТАТ ПОСКАПА СТРУЈА НА ПОТРОШУВАЧИТЕ - Бислимовски најави црна листа

НЕКОИ СНАБДУВАЧИ САКААТ ДА ИМ НАПЛАТАТ ПОСКАПА СТРУЈА НА ПОТРОШУВАЧИТЕ - Бислимовски најави црна листа

Бугарите не доаѓаат во Делчево, локалната економија е во криза

Бугарите не доаѓаат во Делчево, локалната економија е во криза