Huawei е подготвен да докаже дека нема закана за безбедноста од нивната мрежа

Добивај вести на Viber

Кинескиот гигант Huawei е подготвен темелно да се испита за да покаже дека нивната технологија не претставува никаков ризик за земјите што ќе ја вклучат опремата при создавање на 5G мрежите, изјавија за Ројтерс претставници од раководството на Huawei Италија. „Ние сме целосно отворени и достапни да одговориме на овој политички притисок.. “, рече претседателот Луиџи Де Векис на церемонијата на отворање на центарот за сајбер-безбедност на групата во Рим.

Коментарите пристигнаа истиот ден кога државниот секретар на САД, Мајк Помпео, ја започна својата дводневна посета на Италија.

Соединетите Американски Држави лобираа во Италија и кај другите европски сојузници да ја избегнуваат употреба на опремата на Huawei во нивните мрежи од следната генерација, велејќи дека компанијата може да претставува безбедносен ризик. Huawei ги отфрла тие обвиненија.

„Останат сум без зборови дека земја со големина на САД напаѓа друга земја преку уривање на имиџот на една компанија во другата држава, преку неосновани обвинувања“, рече Де Векис.

Де Векис додава дека, и покрај сиот притисок, Huawei нема намера да го напушти италијанскиот пазар и размислува да додаде дополнителни производи во области како што се енергијата. „Huawei нема да го напушти пазарот заради сегашната состојба“, рече тој.

Организирањето на настанот истиот ден кога ие пристигнувањето на Помпео во Италија е случајност, изјави Де Векис и досега нема никакви прашања во врска со затворањето на договорите за 5G во Италија, заради употребата на т.н. златни моќи на Владатаза инфраструктурата кои се сметаат за стратешки.

За време на состанокот со италијанскиот премиер Џузепе Конте, Помпео ги истакна значителните деловни и инвестициски врски меѓу Соединетите Држави и Италија и предупреди на ризиците од деловното работење со Кина, изјави портпаролот на државниот секретар на САД.

www.reuters.com