Хрватска прогласи состојба на катастрофа, денеска има десетина потреси
Објавено во: Балкан 04 Јануари, 2021
Прогласена e катастрофа во Хрватска на подрачјата погодени од земјотресот.
Владата прогласи состојба на катастрофа во две жупании кои се најтешко погодени во земјотресот од 6.2 степени.
„Добивме информации од терен и низ системот за цивилна заштита за размерите на штетите и последиците на нормалното функционирање во животот. Уверени сме дека новата структура ќе помогне и на претставниците на подрачната и локалната самоуправа и координација“, изјави хрватскиот премиер Андреј Пленковиќ.
Повредени се 24 луѓе, 18 се на болничко лекување, 6 се отпуштени. Повредени се и 4 пожарникари. Премиерот повика на внимателност, бидејќи тлото и понатаму се тресе.
Денеска се регистрирани десетина потреси во Хрватска.