ХРАВАТСКА ГАСИ СТРУЈА, ДРАМАТИЧНА СОСТОЈБАТА ВО РЕГИОНОТ: Соседството се подготвува за зимата

Добивај вести на Viber

Резервите на енергија се толку мали што едноставно нема да бидат доволни за нормален живот.

Глобалните електроенергетски мрежи наскоро ќе се соочат со најголемиот тест во последните неколку децении откако производството на електрична енергија моментално е задушено во најголемите светски економии, пренесува „Блумберг“.

Дражен Јакшиќ, директор на Институтот за енергетика Хрвоје Пожар вп Хрватска ги коментираше цените на енергетските производи и сценаријата што се очекуваат наесен.

Што се однесува до цените на струјата, Јакшиќ рече дека тие на големо се многукратно повисоки од пред една година, а дел од нив се пренесува на потрошувачите, но и дека домаќинствата денес плаќаат многу пониска цена од набавната.

- Во секој случај, притисокот е голем поради влијанието на кризата во Русија и Украина, а и сега имаме ситуација дека ова е екстремно сува година во цела Европа, што го намали производството на електрична енергија од хидроелектрични електрани, што влијае на зголемување на цените на пазарот на големо. Како тоа ќе се одрази на цената на домаќинството зависи и од одлуките на Владата, но некој ќе треба да ја плати разликата. Во овој случај, тоа е голем товар за добавувачите, моментално за ХЕП, кој држи голем дел од малопродажниот пазар во Хрватска.  Факт е дека имаме значително помало производство од хидроцентрали и поголема потреба од производство од фосилни горива и увоз, многу европски земји се соочуваат со слична ситуација. Би рекол дека ситуацијата е загрижувачка, но сепак не алармантна и се надеваме дека нема да има ограничувања - изјави Јакшиќ.

Алармантна е и состојбата во Македонија, пишуваат денеска српските и хрватските медиуми.

-Владата на Северна Македонија донесе збир на обврски за јавните институции и препорака до граѓаните и стопанството за заштеда на електрична енергија, кои ќе се применуваат од 1 септември годинава до 31 март следната година. Министерот за економија на Северна Македонија, Крешник Бектеши, на прес-конференција рече дека се планира намалување на потрошувачката на енергија за 15 проценти, наведуваат српските медиуми за состојбата кај нас.