28 Март, 2024
0.0275

Хотелиерите очекуваат најмалку уште една тура ваучери

Објавено во: Економија 15 Јуни, 2021

Добивај вести на Viber

Хотелиерите се надеваат дека оваа година ќе има најмалку уште една тура ваучери за туризам, затоа што сметаат дека само оние ваучери кои засега се најавени се мала помош за нив. Бараат од Владата да ја преиспита одлуката и да го зголеми бројот на ваучери. Велат дека имаат многу давачки, а плус се погодени од пандемијата. 

Од Хотелиерската асоцијација на Македонија објаснуваат дека лани ваучерите имаа вредност од 100 евра, а сега тие изнесуваат 200 евра, но ваучери ќе добијат само 1.250 граѓани со ниски примања.

„Лани искористеноста беше околу 66 отсто. Се надеваме дека оваа година ќе се доделат ваучери во повеќе наврати и дека ќе има што поголема искористеност. Доколку се слеат милион евра по пат на ваучери, ќе биде добро за хотелите“, вели Крсте Блажески, претседател на  ХОТАМ.

Хотелиерите се надеваат дека сезоната максимално ќе се искористи и дека ќе имаат туристи.

„Сега се доделуваат вкупно 1.250 ваучери, а лани ние имавме скоро 900 гости со ваучери. Ваучерите се важни за луѓето кои немаат можност да заминат на одмор, а за нас е важно да имаме гости, без разлика дали ќе бидат со ваучери, дали ќе даваме плаќање на рати и слично. Сезоната е кратка и треба да се искористи“, додаваат од хотел „Полин“ од Дојран.

Јавниот повик за доделување на ваучери ќе трае до 30 месецот и дотогаш сите граѓани кои имаат приходи пониски од 30.000 денари ќе може да се пријават и да ги искористат ваучерите најдоцна до 30 ноември годинава. Оваа мерка е со цел да им овозможи на семејствата со ниски приходи, да го искористат правото на годишен одмор и истовремено, да им се даде поддршка на хотелиерите и угостителите да работат со исполнети капацитети.

За да се аплицира потребни се повеќе документи. Апликантите треба да достават: пополнет образец за барање, потврда од работодавецот за висината на исплатена плата, извод од банка за последните три месеци и за членовите на потесното семејство доколку се вработени или добиваат пензија, извод на матична книга на родените и ред други документи. Од граѓаните имаше поплаки дека процесот за аплицирање е сложен, но надлежните соопштија дека не можат доделат ваучери без процедура.

Сања Атанасовска

foto freepik

Можеби ќе ве интересира

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

Просечна плата во АЕК надминува 1.000 евра

Просечна плата во АЕК надминува 1.000 евра

НИНГБО – СТОТИЦИ ИЛЈАДИ КОНТЕЈНЕРИ, СТОТИЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

НИНГБО – СТОТИЦИ ИЛЈАДИ КОНТЕЈНЕРИ, СТОТИЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

ВОЛВО СТАВА КРАЈ НА ЕДНА ДОЛГА ИСТОРИЈА - им кажаа збогум на „дизелашите“

ВОЛВО СТАВА КРАЈ НА ЕДНА ДОЛГА ИСТОРИЈА - им кажаа збогум на „дизелашите“