Хотелиерите не сакаат слободно да се користи марихуана во Охрид и Струга
Објавено во: Економија 06 Април, 2019
Здружението на хотелиери донело заклучок дека не е прифатлив пробниот балон за воведување на легализација на слободното користење на марихуана во регионот на Охрид и Струга заради зголемување на прометот во туризмот.
- На крајот од состанокот установивме како здружение дека тоа не е многу пожелно за охридско-струшкиот регион ниту за останатите региони. Сметаме дека не е зрел моментот за тоа и дека треба да средиме други приоритети.- изјави Крсте Блажевски, еден од членовите на здружението, за телевизија Сител.
Од таму сметаат дека повеќе би изгубиле отколку што би добиле со либерализацијата кај уживателите на канабисот во туристичките центри.