ХАТИЏЕ ТОПАЛИ НА МЕСТОТО НА БЕСНИК БРАИМИ - промени во Надзорниот одбор на АД Аеродроми на РСМ
Објавено во: Економија 28 Ноември, 2023
Акционерското друштво во државна сопственост Аеродроми на Република Северна Македонија, преку Берзата објави промени во органите на управување.
Имено, Хатиџе Топали ќе биде нова членка на Надзорниот одбор на ова државно АД, откако самата Влада со Одлука го отповикала досегашниот член Бесник Браими.
Промените се запишани и во Централниот регистер на земјава.
Неодамна за директорка на ова акционерско друштво беше избрана Миликије Халими, поранешната градоначалничка на Арачиново, што предизвика доста реакции во јавноста во врска со нејзиното образование, на што потоа премиерот Димитар Ковачевски одговори дека таа е избрана од Надзорниот одбор на тоа АД, токму врз основа на универзитетската диплома што таа таму ја има поднесено.