Хан во Скопје: Сите страни да работат против корупцијата и организираниот криминал и на заштита на инвеститорите

Добивај вести на Viber

Јоханес Хан, еврокомесарот за проширување, денеска во Скопје порача дека сите политички страни треба да работат посветено во борбата против корупцијата и организираниот криминал, како и во правец на правната заштита на економските инвеститори, пред Македонија да добие Датум за преговори од страна на ЕУ во октомври. Ова дипломатот го порача по аферата „Рекет“ и отворањето на случајот на јавното обвинителство откако стана јасно дека крупни бизнисмени биле уценувани.

„Дојдов во Скопје да разговарам за рефоирмите, особено за последните настани кои се развиваат. Блиску сте да направите голем чекор во октомрви. Мотото „мал чекор за човекот, но голем за човештвото“ може да важи за Северна Македонија. Сите политички страни треба да продолжат да работат заедно на владеењето на правото против корупцијата и организираниот криминал. Мора да имате институции на кои треба да им се верува. Мора да функционира и правниот систем за економските инвеститори. Така се зголемува атрактивноста за странски инвестииции, колку е подобро судството толку е поголемото привлекувањето за странските инвестииции. Покрај тоа, на тој пат постои и регионална одговорност не само државна“, порача Хан на заедничката прес-конференција со премиерот Зоран Заев.

Вели дека овој пат е многу комотен ако го прашате дали Македонија ќе добие датум за преговори во октомври и дека земјата ќе добие зелено светло и веднаш ќе го започне процесот со отворањето на поглавјата.

„Сите политички партии да најдат што е можно побрзо решение.  Канцеларијата на СЈО успоешно да се интегрира во редовното јавно обвинителство. Сите да се фокусираат на октомври. Постојат можности, но постојат и одговорности“, додаде Хан за делот кој се однесува за судбината на Специјалното јавно обвинителство.

Заев очекува во октомври ЕУ да си го оддржи зборот и да се заокружат реформските процеси. особено во правосудсниот систем со новиот закон за јавно обвинителство. 

„Да бидеме одговорнио и да не му дадеме никому аргумент да го доведе под прашање нашиот процес на евроинтегрирање. Новиот текст на предлог-законот е компромис и земени се главните забелешки на опозицијата. Во врска со актуелните настани сведочиме на одлучна и бескомпромисна борба против организираниот криминал. Пораката е никој не е привилегиран, никој нема да биде амнестиран. Јавното обвинителство нека ја продолжи истрагата за „Рекет“ без разлика до кого ќе стигне. Настаните во октомври сум убеден дека ќе се одвиваат во позитивна насока“, рече Заев.

Заев очекува на крајот на август и почетокот на септември да биде изгласан предлог-законот за јавното обвинителство, а како позитивни примери во борбата против криминалот ги истакна последните истраги за рекет, илегалните складишта со тутун и злоупотребата со дрќавни плацови.