Груби: И без Заев, останува договорот за премиер Албанец
Објавено во: Македонија 14 Декември, 2021
Првиот вицепремиер Артан Груби во емисијата ClickPlus на ТВ21, беше категоричен дека договорот за првиот премиер Албанец останува и без Зоран Заев на чело на Владата.
Како што рече тој, станува збор за коалициски договор и ќе се реализира и со новиот премиер, кој се очекува да биде Димитар Ковачевски, по неговото избирање за претседател на СДСМ.
Потсетуваме дека Демократската унија за интеграција на последните парламентарни избори (2020) ја обелодени идејата за албански премиер. по изборите, со мандатарот за формирање Влада (Зоран Заев од СДСМ) се договори во последните 100 дена од мандатот на Владата, премиерот да биде Албанец.