Грковска вели дека Груби не требало да игра фудбал во кабинет
Објавено во: Македонија 20 Март, 2023
Славица Грковска, вицепремиерката за добро владеење, рече дека однесувањето на вицепремиерот Артан Груби со играње фудбал во кабинетот не е начин на кој функционерите треба да се однесуваат. Таа додаде дека функционионерите треба повеќе да внимаваат како се однесуваат.
– Тоа не беше добро прифатено од јавноста. Треба да се има малку повеќе сензибилитет за тоа како функционерите треба да се однесуваат и каква слика даваат пред граѓаните, рече Грковска како коментар на новинарско прашање.
Таа дополнително изјави дека врз основа на документација од Државната комисија за спречување на корупција, изрекла опомени за Груби, како и за министерот за надворешни рбаоти Бујар Османи и поранешниот министер з аживотна средина Насер Нуредини поради користење службени возила за партиски цели.
- Досега сме се покажале дека не влијае врз нас тоа за кого станува збор, не е во ред да се повторува истата работа за која претходно сте биле опоменати, вели Грковска.