ГРЧКАТА РАМПА КОНЕЧНО СЕ КРЕНА - со негативен ПЦР и две недели по ревакцинација, влез од 6 часот наутро до 22 по наше време

Добивај вести на Viber

Се отвори конечно грчката порта за македонските граѓани, откако многу Макледонци уште рано утринава тргнаа, но не можеа да стасаат во Герција, бидејќи не беше дозволен влез. 

Оваа радосна вест за македонскиоте граѓани ја соопшти МВР.

„Денеска (14.05.2021 – петок), од страна на грчките гранични служби добивме известување дека од 13 часот е дозволен е влез во Република Грција на граѓаните  од ЕУ, трети земји и граѓани од Република Северна Македонија преку  ГП ,,Евзони“.  Според протоколот за влез, граѓаните од ЕУ, од трети земји и од Репубика Северна Македонија ќе може да оставарат влез во Република Грција преку ГП ,,Евзони“ со негативен ПЦР тест не постар од 72 часа или Сертификат за примени две дози вакцини (14 денови поминати од втората доза вакцина), при што ќе бидат признаени сите сертификати за извршена вакцинација, додека за деца до 5 години не е потребен ПЦР тест. Исто така, останува обврската за електронска пријава на сајтот www.travel.gov.gr (ден пред патување) за обезбедување на ПЛФ (Passenger Locator form) документ.

Оваа мерка ќе се применува до 24.05.2021 година (понеделник), при што  граѓаните ќе може да остварат влез во периодот од 07.00 до 23.00 часот (по грчко време), или од 06.00 до 22 часот (по наше време), a за излез од Грција нема ограничувања и ГП Евзони ќе работи 24 часа.Протоколот за товарниот сообраќај останува ист“, се вели во соопштението од МВР.