ГРЧКАТА ОПОЗИЦИЈА СО УЛТИМАТУМ: Или увид во македонскиот устав или ...
Објавено во: Македонија 23 Јануари, 2019
На седницата за безбедност и надворешна политика во грчкиот парламент беше продолжена дебатата за Договорот од Преспа во текот на кој грчката опозиција побарала увид во текстот за промена на македонскиот Устав.
Јоргос Кумуцакос од редовите на Нова Демократија барал увид во македонскиот Устав, како и во текстот на оставката на доскорешниот министер за надворешни работи на Грција Никос Коѕијас.
Кумуцакос рекол дека седницата на одборот не може да продолжи без увид во содржината на текстот на македонскиот Устав, но и без да се земе предвид што пишува во оставката на Коѕијас, во која екс министерот ги објаснува причините за неговото повлекување.
Претставени од грчкото Министерство за надворешни работи и пратеник од владеачката СИРИЗА објаснил дека новите амандмани не стануваат директно дел од Уставот, туку се додаваат на крајот од уставниот текст и дека се наведени во Вербална нота со која македонското МНР ја извести Грција дека процесот на уставна ревизија е завршен.
Претходно пратеник од ултрадесничарската Златна зора Илиас Касидиарис реагирал затоа што не е доставен целиот текст на Македонија и нагласил дека за неговата партија цениот процес е нелегален, бидејќи нема потпис на македонскиот премиер Ѓорге Иванов.