28 Јануари, 2020
0.0235

Гранит „шиба“, а Бетон „каска“

Објавено во: Економија 06 Декември, 2019

„Гранит“ има една од своите најдобри деловни години, што не е случај за „Бетон“ чиј приход од продажба падна за 30 отсто, а оперативната добивка е намалена за 17 отсто

Двете најголеми градежни компании оваа година не се конкуренти. Бројките покажуваат дека „помалиот“ од големите , скопски „Бетон“ ќе може да биде презадоволен ако заврши како лани, а за разлика од него „Гранит“ има една од своите најуспешни години, барем гледано финансиски.

„Гранит“ за првите девет месеци годинава има приходи од продажна кои надминаа 65 милиони евра и во споредба со лани се повисоки за 12 отсто. Вкупните приходи на најголемата македонска градежна компанија достигнаа 68,5 милиони евра и во споредба со лани се повисоки за 10 отсто. Во структурата на приходите извозот на услуги е застапен со помалку од 10 отсто. Во споредба со лани приливот на девизи бележи пад за 68 отсто. Доминира учеството на компанијата на домашниот пазар. Во споредба со истиот период лани приходите на „Гранит“ пораснале за 48 отсто и достигнале 60 милиони евра.
Оперативните расходи на „Гранит“ растат паралелно со приходите од продажба. Во споредба со лани тие годинава изнесуваат 66,4 милиони евра и се за 10 отсто повисоки од истиот период лани. Оперативната добивка на компанијата до крај на септември е 2,4 милиони евра. Во споредба со истиот период лани е повисока за 5 отсто. Добивката на „Гранит“ за првите девет месеци годинава е 5 милиони евра. Од тоа, половина е добивка остварена од дејноста, позитивната разлика во финансиските приходи носи уште 1,4 милиони евра и зголемената вредност на акциите на „Гранит“ во „Комерцијална банка“ ја зголемуваат добивката уште за 1,1 милиони евра.

„Бетон“ има значајно послаба година во однос на лани. Приходите од продажба изнесуваат 13,4 милиони евра и во споредба со лани се пониски за 30 отсто. Оперативните расходи изнесуваат 13,3 милиони евра и очекувано ги следат приходите и годинава се пониски за 34 отсто во споредба со истиот период лани. Оперативната добивка на компанијата изнесува 100.000 евра и бележи пад од 17 отсто. „Бетон“ исто како и „Гранит“ го крепи суфицитот кој е разлика од финансиските приходи и финансиските расходи. И тој суфицит годинава е 141.300 евра за првите девет месеци. Добивката на „Бетон“ заклучно со крајот на септември изнесува 240.000 евра. 


Р.Ф.

Можеби ќе ве интересира

ЌЕ ОДАТ ВО ИСТОРИЈАТА: ЕК планира да се „спаси“ од монетите од еден и два евро-цента

ЌЕ ОДАТ ВО ИСТОРИЈАТА: ЕК планира да се „спаси“ од монетите од еден и два евро-цента

УТРИНСКИ ФОКУС: Колку се заработува од бизнисот со технички преглед на возилата

УТРИНСКИ ФОКУС: Колку се заработува од бизнисот со технички преглед на возилата

Бранко Азески: Костал е надеж за охриѓани

Бранко Азески: Костал е надеж за охриѓани

Од Стефанова „и се крена“ косата, како ќе помине Катица по сведочењето на Рустеми

Од Стефанова „и се крена“ косата, како ќе помине Катица по сведочењето на Рустеми

Која компанија прави најмногу пари од бизнисот со технички преглед

Која компанија прави најмногу пари од бизнисот со технички преглед

ЦЕНИТЕ ПАДНАА: Еве колку ќе плаќате за бензини и дизел неделава

ЦЕНИТЕ ПАДНАА: Еве колку ќе плаќате за бензини и дизел неделава

Капиталните проекти останаа жртви на политика и желби

Капиталните проекти останаа жртви на политика и желби

Има пари во бизнисот со технички преглед на возила, кој колку заработува?

Има пари во бизнисот со технички преглед на возила, кој колку заработува?

За К-15 пристигаат пријави, за новата минимална плата ниту еден работник не се пожалил од газдата

За К-15 пристигаат пријави, за новата минимална плата ниту еден работник не се пожалил од газдата