Горивата со висок квалитет на Shell сега се достапни во Северна Македонија

Добивај вести на Viber

Горивата со висок квалитет на Shell сега се достапни во Северна Македонија, вели Кристос Кецизоглу, одговорен за Корал во Македонија. 

Shell сега официјално e во Северна Македонија. Кои се плановите за развој на брендот во земјата?

Shell - глобалната нафтена компанија, никогаш порано не била активна на овој пазар. Сега, компанијата зад овој бренд е Корал. Ние работиме според долгорочен договор за лиценцирање на трговска марка Shell Brands International AG. Во моментов, имаме две Shell брендирани бензински станици лоцирани на автопатот А1 / Е75 „Пријателство“, близу до границата со Грција. Нашата стратешка цел е постепено, во следните 5 години да ја развиваме нашата мрежа на клучни локации низ целата држава. Бидејќи веќе сме присутни на регионалните пазари, потегот за влез во Северна Македонија е во согласност со нашата стратегија за проширување на пошироката балканска област. Нашата визија е да станеме врвна мрежа од бензински станици во земјата и прв избор на граѓаните. Многу нè радува што сме првиот глобален бренд горива на пазарот во Северна Македонија. Брендот Shell носи силна експертиза и висок квалитет на горивата.Во пракса, истражувањето и развојот на горивата што се одвиваат на глобално ниво, ќе бидат пренесени преку нашата мрежа бензински станици за да бидат корисни за македонските и меѓународните потрошувачи. Заедно со висококвалитетните горива и масла, имаме за цел да понудиме и одлична услуга за купувачите однесувајќи се кон секој купувач како гостин и обезбедувајќи низа погодни производи и услуги, создадени да ги задоволат потребите на возачите и останатите клиенти.

Корал има лиценца за Shell, која е дел од Motor Oil во Грција. Овде кај нас, малку се знае за компанијата.

Motor Oil е модерна енергетска групација, еден од лидерите во нафтената индустрија во Медитеранскиот регион, основана во 1972 година во Грција од семејството Вардинојанис. Во моментот вработува повеќе од 2 000 луѓе и извезува во повеќе од 45 земји. Компанијата ја поседува една од најголемите и најнапредните рафинерии за нафта во Европа.Во изминатите 15 години имаше вкупни инвестиции повеќе од 2,2 милијарди евра. Во 2010 година, Motor Oil ја купи Coral A.E. (поранешна Shell Hellas A.E.), носител на брендот Shell во Грција.Со силно, динамично присуство во Грција од 1926 година, Корал служи со доследност и континуитет на грчкиот пазар и моментално работи преку приближно 770 бензински станици под брендот Shell, со што претставува лидер на пазарот. Корал, исто така, ја поседува лиценцата Shell и за други пазари и моментално е присутна преку подружници во Кипар, Србија и Хрватска. Ова е многу честа платформа која не само што ни овозможува да го користиме брендот, туку нуди и поширока соработка во однос на технологијата, иновативноста, квалитетот на горивото, производите, услугите, маркетингот и слично. Наша цел е по целосна имплементација на предлозите за подигнување на вредноста од страна на клиентите, искуствата на потрошувачите на бензинските станици на Shell во Северна Македонија да бидат исти со оние на другите пазари на Shell.

Каков ви е планот за развој во земјава, колку бензински станици планирате и каде?

Во следните 5 години, планираме да растеме постепено и да воспоставиме присуство на стратешки локации низ земјата. Преку нашите Shell брендирани бензински станици, ние сме посветени на обезбедување горива, моторни масла и производи со висок квалитет што ги задоволуваат секојдневните потреби на патот за локалните и меѓународните клиенти. Исто и да нудиме одлична услуга на сите точки низ земјата каде сме присутни.

Вие нудите производи кои не се познати на пазарот во Северна Македонија, како ќе се регулираат цените?

Северна Македонија ги регулираше цените на пазарот, што е редок случај во регионот. Основните производи се регулирани и разбирливо е дека за сите либерализации на пазарот е потребно време. Очекуваме да се отстранат ваквите бариери за да се воведе целосното портфолио на гориво. Горивата Shell се поддржани од технолошка експертиза и повеќедецениско истражување и развој. Нашето портфолио на производи за малопродажни горива во Северна Македонија вклучува Shell Fuelsave Unleaded 95, Shell V-Power 98 и Shell Fuelsave Diesel, збогатени со технологијата DYNAFLEX. DYNAFLEX технологијата е име за најновата генерација најсовремени формули што научниците од Shell ги развија за дизел и бензински мотори за да ги создадат нашите најнапредни горива. Диференцираните горива на Shell се резултат на обемно истражување и тестирање и на трките во Формула 1 преку долгогодишното и успешно партнерство за иновации со Скудерија Ферари и под типични дневни услови за возење кои нудат висок квалитет и заштеда за сите клиенти што ги напојуваат своите возила на нашите бензински станици.

Кои се пазарите каде сте присутни, какви искуства имате за проширувањето на мрежата?

Како што веќе споменав, Корал е лидер на пазарот во Грција и исто така е присутен преку подружници во Кипар, Србија и Хрватска, кои работат со бензински станици под брендот Shell. Во однос на ширењето на мрежата, секој пазар има свои специфични карактеристики и затоа следиме различни пристапи. Во некои случаи, ние избираме да влеземе на нов пазар преку аквизиција на постоечка компанија (како во Хрватска), додека во други случаи органскиот раст е вистинскиот повик. Тимот вклучен во вакви потфати комбинира солидно познавање на пазарот, долгорочна експертиза и силна посветеност за успех. Глобалното искуство и поддршката од меѓународен бренд, заедно со матичната компанија која е лидер на пазарот во Грција се секако важни поттикнувачи.

Минатата година имаше дискусија околу тоа кој го носи брендот Shell во Северна Македонија. Кој е вашиот коментар за тоа?

Shell е меѓународно признат, силен бренд. Затоа, неговото присуство во една земја ја става оваа земја на глобалната мапа на брендот и значи дека исполнува одредени услови. Врз основа на нашето искуство во областа, решивме дека е вистинско време да инвестираме во Северна Македонија и да развиеме брендирана мрежа на Shell. Основавме локална компанија Coral Fuels ДООЕЛ Скопје, сопственост на Coral A.E., односно Motor Oil Group, и планираме да ја зајакнеме нашата позиција во земјата, поставувајќи нови цели за понатамошен развој и партнерства. Секој што ја споделува нашата визија, вредности и деловни принципи е добредојден да контактира со нас за ги истражиме можностите за потенцијална соработка.