Големиот пад на најмоќната европска економија ги нокаутираше берзите

Добивај вести на Viber

Европските берзи се отворени во црвено после загрижувачките податоци за падот на германските фабрички нарачки во декември за 1,6 отсто.

Индексот на водечките германски компании DAX во Франкфурт изгубил 0,3 отсто од вредноста, додека Daimler паднал за скоро 2 отсто, а Дојче банка за 1,5 отсто.

Во Лондон, FTSE 100 паднал за 18 поени, односно 0,3 отсто на 7.158 , далеку од синоќешниот тримесечен минимум.

Онлајн продавницата за прехрамбени намирници „Окадо“ ги предводи „губитниците“ со пад од 5 отсто, откако големиот пожар го погоди нивното складиште во Хемпшир.

Таа компанија ги известила акционерите дека штетата од пожарите е многу поголема отколку што се мислело.

Загриженоста поради здравјето на германската економија раст после големиот пад во производни нарачки кои ги доживеа најголемата европска економија, Германските фабрички порачки во декември паднале за 1,6 отсто поради слабата побарувачка од странство, што е многу полошо од очекуваните 0,3 отсто.

На годишно ниво, порачките биле седум отсто пониски отколку во декември 2017, што е најголем пад од 2012 та. Ваков слаб резултта покажува дека германската индустриска основа се соочува со проблеми со оглед на трговските тензии, забавување на глобалниот раст и вознемиреност околу Брегзит. Германската автомобилска индустрија исто така имала неколку лоши месеци по воведувањето на нов , строги правила во врска со загадувањето.