Ѓурѓај: Бугарската пропаганда е зголемена во пресрет на пописот во Албанија за да се создаде некакво бугарско малцинство
Објавено во: Македонија 25 Август, 2022
Македонците од Албанија се категорични дека во оваа земја нема бугарско, туку македонско малцинство кое Бугарија по пат на пропаганда сака да го прикаже како нивно.
Никола Ѓурѓај, претседател на македонското друштво „Илинден“ од Тирана и главен и одговорен уредник на македонскиот весник „Илинден“, вели дека во Албанија нема бугарско малцинство, а тоа се покажало и на претходните пописи. Тој смета дека изјавите за барање права за некакво бугарското малцинство во Албанија не се случајни. Но, обидите за прикажување на македонското малцинство како бугарско траат веќе неколку години.
„Бугарската пропаганда е зголемена во пресрет на пописот во Албанија кој ќе се одржи во октомври, и тие со секое средство се трудат да создадат некакво бугарско малцинство кое го нема. Во областите Голо Брдо, Мала Преспа, Гора и цело Врбник не постои бугарско малцинство. Им нудат пасоши, стипендии, посети на Бугарија. Откако Бугарија влезе во ЕУ, Албанци земаат бугарски пасоши од економски причини. Ставот наш е јасен, во Република Албанија нема бугарско малцинство, бидејќи во сите пописи во Албанија нема изјаснети Бугари“, вели Ѓурѓај.
Има документи кои докажуваат дека во наведените региони живееле и живеат Македонци.
„Сите зборуваат на македонски јазик“, додава Ѓурѓај.
Хаџи Пируши од здружението „Просперитет“ во Голо Брдо за бугарски медиум изјави дека немаат патишта, немаат пратеник, ниту свој претставник во општините. Тој изрази незадоволство и бара средба со бугарскиот претседател Румен Радев. Северна Македонија има претензии за области каде што е концентрирана бугарската дијаспора, пренесе БНТ.
Албанија претходно се жалеше дека е заложник на македонско – бугарскиот спор, затоа што Бугарија има серија барања за Македонија, и повеќе пати ставаше вето на стартот на преговори. Бугарскиот европратеник Андреј Ковачев уште во 2017 година тврдеше дека Бугарите во Албанија биле историски факт. Во Албанија се смета дека има околу 120.000 Македонци.
Сања АтанасовскаМожеби ќе ве интересира
МОЖНО ЛИ Е ПРАТЕНИК ДА СТАНЕ БОБИ МОЈСОСКИ ОД ЛДП, А ДА ИСПАДНЕ ИСМАИЛ ЈАХОСКИ ОД ДУИ, ИЛИ ПРАТЕНИК ПОВЕЌЕ ДА ДОБИЕ ВМРО-ДПМНЕ - еве по колку гласови им недостигаат
ШТО ЌЕ ПОДНЕСУВА СИРИЗА ВО ГРЧКОТО СОБРАНИЕ ВО ВРСКА СО МАКЕДОНИЈА ? Еве ги деталите
Најчевска: ЕУ не се потресе баш од настапите на бугарските европарламентарци со јасни територијални аспирации кон Македонија
ПЕНДАРОВСКИ СЕ ОТКАЖА ОД ДРЖАВНАТА ПЕНЗИЈА: Но, ќе користи обезбедување и канцеларија
ГОЛЕМА ТРАГЕДИЈА ВО ВЕВЧАНИ - седуммесечно бебе почина откако паднало од импровизиран кревет, лекарите не успеале да го спасат
ДИК ПРИФАТИ ПРИГОВОРИ, ДО ПЕТОК ЌЕ „ПРЕСЕЧЕ“ И УПРАВНИОТ СУД - може ли со прегласување да се намалат пратениците на Европскиот фронт
„ВО МАКЕДОНИЈА НЕ МЕ ВРАБОТИЈА, НО ВО АНГЛИЈА СТАНАВ ШЕФ ВО ЕДНА ОД НАЈДОБРИТЕ БОЛНИЦИ ВО СВЕТОТ“: Искуството на доктор Минов го сподели Димитров
„ПОСТОЈАТ ПРАШАЊА ШТО СЕ НАД ВОЛЈАТА НА НОВОТО РАКОВОДСТВО НА СЕВЕРНА МАКЕДОНИЈА:“ Герапетритис за Преспанскиот договор
„ А БЕ УРСУЛА, ВИЕ СТЕ СИ КРИВИ“: Се огласи и Колозова
