13 Јуни, 2024
0.0902

ГИ ИМАМЕ МНОГУ СО НАД ПОЛОВИНА МИЛИЈАРДА ЕВРА, А НЕКОИ БЛИЖАТ И ДО ЕДНА - еве колкава вредност достигнаа моќните македонски бизнис „капиталци“

Објавено во: Финансии 10 Јуни, 2024

Добивај вести на Viber

Месечниот берзански билтен секогаш е извор на интересни информации за домашниот бизнис. Кој е најбаран, кој е најтргуван, но и кој е највреден на домашната деловна сцена.

Освен податоците за тоа чии акции свртеле највисок промет, секогаш, на крајот на месецот, е интересно да видиме и колкава била пазарната капитализација на компаниите. Односно, колку тежат сите над 90-тина акционерски друштва што котираат на берзата, но и колку од оваа вредност отпаѓа на капиталциите, односно најмоќните и највредните акционерски друштва.

Фактор како и вообичаено прави анализа на пазарната капитализација на најтргуваните акции на берзата во мај. А таа, барем во поглед на главните играчи, но и во поглед на редоследот, не е многу поразлична од претходниот месец. Не треба веќе да појаснуваме дека пазарна капитализација е вредноста на една компанија доколку сите нејзини акции се продадат во исти момент, што значи дека таа е директно поврзана со моменталната цена на акциите на тоа акционерско друштво.

А, сите котирани компании заедно имале на крајот на мај пазарна капитализација од 4,27 милијарди евра и во однос на претходниот месец тоа е благо зголемување од нешто повеќе од половина процент, или за 0,57 отсто.

Но, она што е многу поинтересно, секако дека е колку е пазарната капитализација на пооделните акционерски друштва, односно колку тие тежеле според вредноста на акциите на крајот на мај годинава.

Повторно лидер е Комерцијална банка. Според пазарната капитализација таа се искачила на 673 милиони евра, или, толку некој би требало да плати доколку сака да ги купи одеднаш сите акции на нашата најголема банка. Како што веќе пишувавме, акциите на Комерцијална банка се меѓу најбараните и со најголем раст, а една од причините секако дека е и дисперзираната акционерска структура. Но, голема улога играат и високите дивиденди кои ги дели банката, како и одличните финансиски резултати.

Телекомуникацискиот гигант, „Македонски телеком“ држи чекор, а моќта на оваа компанија и успшешните резултати ја прават нејзината акција секогаш атрактивна и барана, и се разбира, со цена која оди по нагорна линија. На крајот на мај пазарната капитализација на Телеком била 655 милиони евра.

Не е новина дека банките се најатрактивни, па на третата позиција доаѓа уште една голема банка, односно НЛБ, чија акција исто така бележи постојан раст, а е и меѓу најтргуваните на домашниот пазар на капитал. НЛБ има на крајот на мај пазарна капитализација од близу 559 милиони евра.

Фармацевтскиот гигант „Алкалоид“ е секогаш во врвот. Успешните резултати, стабилниот бизнис, но и иновативноста и инвестициите, прават оваа компанија да има акција која е многу вредна и барана од инвеститорите. Нејзината цена е скогаш во нагорен тренд, па тоа направи „Алкалоид“ на крајот на мај да има пазарна капитализацуија од близу половина милијарда евра, или прецизно 484 милиони евра.

Уште една голема и нашата најстара банка влезе во првата петорка според пазарна капитализација, а тоа е Стопанска банка Скопје. Нејзината акција е постојано во врвот, банката секогаш има одлични резултати и затоа е меѓу најбараните. На крајот на мај Стопанска банка Скопје имала пазарна капитализација од 446 милиони евра.

Следува нафтениот гигант „Макпетрол“, со над 143 милиони евра, а потоа доаѓа одличната и силна градежна компанија „Гранит“, чија акција е исто меѓу најтргуваните, и чија пазарна капитализација достигна речиси 68 милиони евра.

Одличната УНИ Банка стигна до пазарна капитализација од близу 62 милиони евра, а уште една солидна фармацевтска компанија „Реплек“ е на ниво од над 47 милиони евра доколку сите нејзини акции се продадат во исти ден. И, на десеттата позиција е уште една банка, ТТК, со пазарна капитализација од близу 24 милиони евра.

Можеби некоја од котираните компании да има и повисока пазарна капитализација од наброените на оваа листа, но нивните акции не испливале во најтргуваните, па затоа и не можат да се видат во берзанскиот билтен податоците за нивната пазарна капитализација. Туку, пресметкитре би требало да се прават компанија по компанија одделно. Инаку, покрај овие 10, останатите над 80 акционерски друштва имаат вкупна пазарна капитализација од 1,11 милијарди евра.

Н.Н.Ф.  

Можеби ќе ве интересира

ИМЕНУВАНИ НОВИ ЧЛЕНОВИ НА НАДЗОРНИОТ ОДБОР НА СТОПАНСКА БАНКА СКОПЈЕ - Доима, Тагарис, Толиа и Карандреас се директори во Националната банка на Грција

ИМЕНУВАНИ НОВИ ЧЛЕНОВИ НА НАДЗОРНИОТ ОДБОР НА СТОПАНСКА БАНКА СКОПЈЕ - Доима, Тагарис, Толиа и Карандреас се директори во Националната банка на Грција

ИНТЕРВЈУ ХАРТМАН, ИСКУСЕН ШВАЈЦАРСКИ БАНКАР, ЗА ФАКТОР: Немојте екстра да ги даночите банките, тие се тука за да ја поддржуваат економијата

ИНТЕРВЈУ ХАРТМАН, ИСКУСЕН ШВАЈЦАРСКИ БАНКАР, ЗА ФАКТОР: Немојте екстра да ги даночите банките, тие се тука за да ја поддржуваат економијата

Одговорот на Русија на новите американски санкции ги зачуди сите: Московската берза направи драстичен потег

Одговорот на Русија на новите американски санкции ги зачуди сите: Московската берза направи драстичен потег

Вложувањата во неживотни осигурувања пораснаа 10 проценти, достигнаа 90 милиони евра за пет месеци

Вложувањата во неживотни осигурувања пораснаа 10 проценти, достигнаа 90 милиони евра за пет месеци

НА ПРОДАЖБА И ТОА МАЛКУ ШТО ОСТАНА ОД ВРЕМЕТО НА ЈУГОСЛАВИЈА: Се нудат два авиони, делови, инвентар и опрема за 4,9 милиони евра од југословенската авиокомпанија

НА ПРОДАЖБА И ТОА МАЛКУ ШТО ОСТАНА ОД ВРЕМЕТО НА ЈУГОСЛАВИЈА: Се нудат два авиони, делови, инвентар и опрема за 4,9 милиони евра од југословенската авиокомпанија

КБ Публикум инвест станува КБ ИНВЕСТ, со доминантна сопственост на Комерцијална банка

КБ Публикум инвест станува КБ ИНВЕСТ, со доминантна сопственост на Комерцијална банка

МУ ПАДНАА АКЦИИТЕ НА ТРАМП: И тоа за 20 проценти откако беше прогласен за виновен

МУ ПАДНАА АКЦИИТЕ НА ТРАМП: И тоа за 20 проценти откако беше прогласен за виновен

МИЛИЈАРДИ СЕ ВО ПРАШАЊЕ: Кои репрезентации вредат најмногу на ЕП 2024?

МИЛИЈАРДИ СЕ ВО ПРАШАЊЕ: Кои репрезентации вредат најмногу на ЕП 2024?

ЕВЕ КОЛКУ ПЕНЗИОНЕРИ ДОБИВААТ НАЈВИСОКА ПЕНЗИЈА ВО МАКЕДОНИЈА – исчезнуваат воените и земјоделските пензионери

ЕВЕ КОЛКУ ПЕНЗИОНЕРИ ДОБИВААТ НАЈВИСОКА ПЕНЗИЈА ВО МАКЕДОНИЈА – исчезнуваат воените и земјоделските пензионери