ГЕРМАНСКИ ВЕСНИЦИ: ВМРО-ДПМНЕ се обидела да го спречи обезбедувањето на двотретинското мнозинство

Добивај вести на Viber

Германскиот весник „Ханделсблат“ во текстот „Да за промена на името е пораз за нацонализмот на Балканот“ пишува дека поради „да“ за промена на името во Северна Македонија во Парламентот, Христијан Мицкоски од опозициската ВМРО-ДПМНЕ беше мошне разгневен.

Чекор во насока кон ЕУ и НАТО, а против национализмот,  е оценка на дел од германските медиуми за случувањата во Македонија. 

Весникот пишува дека ВМРО-ДПМНЕ до последен момент со сите средства се обидела да го спречи обезбедувањето на двотретинското мнозинство за преименување на поранешната југословенска република, како и дека Мицкоски „очигледно не забележал дека со ултранационализмот се изолирал самиот себе си“.

„Тешкиот случај на Македонија покажува: некој пат може да потрае мошне долго додека не созрее сознанието дека нема вистинска алтернатива за Европа. Бидејќи големите сили Русија и Кина немаат реално што многу да им понудат на балканските земји. Русија во Југоисточна Еврпа има стратешки интереси“, пишува весникот. 

Се додава дека Кина на регионот гледа само како на транспортна рута за својата стока на Новиот пат на свилата кон Западна Европа, како и дека Пекинг не е сериозно заинтересиран за одржлив развој на сиромашните балкански земји, што им станува се појано на владите од Белград, преку Тирана, до Скопје.

Весникот „Зидојче зајтунг“ пишува дека во политиката е потребен јасен компас, но понекогаш „иглата се заканува дека ќе побудали“.

Ако Македонија стане Северна Македонија, додава весникот, патот до членство во НАТО и ЕУ ќе биде отворен.